കടയിൽ നിന്ന് വാങ്ങുന്ന ദോശമാവ് ഉപയോഗിക്കുന്നവർ വർദ്ധിച്ചുവരുന്നു. സമയം ലാഭിക്കാൻ ഇത് സഹായകരമാണെങ്കിലും, സ്ഥിരമായി ഉപയോഗിക്കുന്നത് ഗുരുതരമായ ആരോഗ്യപ്രശ്നങ്ങൾക്ക് ഇടയാക്കുന്നു. പാക്കറ്റുകളിൽ പുളിപ്പിച്ച മാവ് ഫ്രിഡ്ജിൽ നിന്നും പുറത്തുവച്ചാൽ ബാക്ടീരിയകൾ വളരാനുള്ള സാഹചര്യം സൃഷ്ടിക്കുന്നു. ഇത് വയറിളക്കത്തിനും ഛർദ്ദിക്കും കാരണമാകുന്നു.
രുചി നിലനിർത്താനും കേടാവാതിരിക്കാനും പ്രിസർവേറ്റീവുകളും റെഗുലേറ്ററുകളും ചേർക്കുന്നു. ഭക്ഷ്യമാനദണ്ഡങ്ങൾ പാലിച്ചാലും, സ്ഥിരമായ ഉപയോഗം പോഷകാഹാര ലഭ്യത കുറയ്ക്കുകയും ദഹനപ്രശ്നങ്ങൾക്ക് ഇടയാക്കുകയും ചെയ്യുന്നു. പരമ്പരാഗതമായി വീട്ടിൽ ദോശമാവ് ഉണ്ടാക്കുമ്പോൾ സ്വാഭാവിക പ്രക്രിയയിലൂടെ ദഹനത്തെ സഹായിക്കുന്ന ബാക്ടീരിയകൾ ഉണ്ടാകുന്നു. ഇത് കുടലിന്റെ ആരോഗ്യത്തിന് നല്ലതാണ്. പാക്കറ്റ് മാവിൽ ഈ ഗുണങ്ങൾ കുറവായിരിക്കും.
മാവ് എപ്പോഴും ഫ്രിഡ്ജിലാണ് സൂക്ഷിക്കേണ്ടത്. അമിതമായ പുളിച്ച മണം, പാക്കറ്റ് വീർത്തിരിക്കുന്നത് എന്നിവ ശ്രദ്ധയിൽപ്പെട്ടാൽ മാവ് ഉപേക്ഷിക്കാൻ വിദഗ്ദ്ധർ നിർദ്ദേശിക്കുന്നു.
Photo and News Source: Samakalika Malayalam
