കേരളത്തിൽ ഉയർന്നുവരുന്ന ചൂടിൽ ശരീരത്തെ സംരക്ഷിക്കാൻ പ്രത്യേക ശ്രദ്ധ വേണം. ശരീരത്തിലെ ജലാംശം നിലനിർത്തുക അത്യാവശ്യമാണ്. ദാഹം അനുഭവപ്പെടാത്തപ്പോഴും കൃത്യമായി വെള്ളം കുടിക്കണം. ഒ.ആർ.എസ്, ഇളനീർ, പഴച്ചാറുകൾ എന്നിവ ശരീരത്തിലെ ലവണാംശം നിലനിർത്താൻ സഹായിക്കും.
മദ്യം, കഫീൻ, അമിത മധുരമുള്ള പാനീയങ്ങൾ ഒഴിവാക്കുക. ഇവ നിർജ്ജലീകരണം വർദ്ധിപ്പിക്കും. പകൽ 11 മുതൽ 4 വരെ സമയത്ത് പുറത്തിറങ്ങുന്നത് ഒഴിവാക്കുക. അയഞ്ഞ കോട്ടൺ വസ്ത്രങ്ങൾ ധരിക്കുക. സൺഗ്ലാസ്, തൊപ്പി, കുട എന്നിവ ഉപയോഗിക്കുക.
വീടിനുള്ളിലെ താപനില കുറയ്ക്കാൻ ജനലുകളിൽ കർട്ടനുകൾ ഉപയോഗിക്കുക. എയർ കണ്ടീഷനോ ഫാനോ ഉപയോഗിച്ച് മുറികൾ തണുപ്പിക്കുക. തണുത്ത വെള്ളത്തിൽ കുളിക്കുകയോ നനഞ്ഞ തോർത്ത് ഉപയോഗിക്കുകയോ ചെയ്യുക. കുട്ടികൾ, പ്രായമായവർ, രോഗികൾ എന്നിവർക്ക് അധിക ശ്രദ്ധ നൽകണം.
തനിച്ചാക്കി പോകരുത്. പെട്ടെന്ന് ദഹിക്കുന്ന ലഘുഭക്ഷണവും ജലാംശം കൂടുതലുള്ള പഴങ്ങളും ഭക്ഷണത്തിൽ ഉൾപ്പെടുത്തുക. വെള്ളരിക്ക, തണ്ണിമത്തൻ, ഓറഞ്ച് എന്നിവ ശരീരത്തെ തണുപ്പിക്കാൻ സഹായിക്കും.
Photo and News Source: Samakalika Malayalam
