കൊല്ലം: പേഴ്സണൽ ലോൺ വാഗ്ദാനം ചെയ്ത് വീട്ടമ്മമാരിൽ നിന്ന് ലക്ഷക്കണക്കിന് രൂപ തട്ടിയ കേസിൽ യുവാവ് അറസ്റ്റിലായി. തിരുവനന്തപുരം ശ്രീകാര്യം സ്വദേശി രഞ്ജിത്തിനെ ഇരവിപുരം പോലീസ് പിടികൂടി. വാട്സാപ്പിലൂടെ പരസ്യമൊരുക്കി ആളുകളെ ആകർഷിച്ച പ്രതി, എല്ലാ രേഖകളും വാട്സ്ആപ്പിലൂടെ കൈക്കലാക്കി. സിബിൽ സ്കോർ അടിസ്ഥാനത്തിൽ ലോൺ തുക നിർണ്ണയിച്ച്, പള്ളിമുക്കിലെ ഹോം അപ്ലയൻസ് ഷോറൂമുകളിൽ എത്തിക്കാൻ പറഞ്ഞു.
അവിടെ ഫിനാൻസ് വിഭാഗം സഹായത്തോടെ, വിലയേറിയ മൊബൈൽ, എസി, ഫ്രിഡ്ജ് തുടങ്ങിയവ വാങ്ങിച്ചു. പർച്ചേസ് ലോണിലേക്ക് മാറിയപ്പോൾ, പണം മടങ്ങി ലഭിക്കുമെന്ന് പ്രതി വാഗ്ദാനം ചെയ്തു. ഒരു മാസത്തിനുശേഷം, ബാങ്ക് ഇടപാടുകാർ ഭീഷണിപ്പെടുത്തിയതോടെ കബളിപ്പിക്കപ്പെട്ടു എന്ന് വീട്ടമ്മമാർ മനസ്സിലാക്കി. കൊല്ലം മീനാട്, അഞ്ചൽ വിളക്കുപാറ സ്വദേശിനികൾ പോലീസിൽ പരാതി നൽകി.
Photo and News Source: Media Mangalam
