മട്ടന്നൂർ: ബൈക്ക് യാത്രികനെ ഇടിച്ച് നിർത്താതെ പോയ കാർ പോലീസ് അന്വേഷണത്തിൽ കണ്ടെത്തി. 2026 ഏപ്രിൽ 21-ന് മയ്യിൽ സ്വദേശി ഹരീഷ് മട്ടന്നൂരിൽ നിന്നും മയ്യിലിലേക്ക് യാത്ര ചെയ്യുമ്പോൾ തെരൂർ പാലയോടിൽ വെച്ച് പുറകിൽ നിന്നും വന്ന മാരുതി ഫ്രോൺക്സ് ഇടിച്ചു. പരിക്കേറ്റ യുവാവിനെ നാട്ടുകാർ സ്വകാര്യ കാറിൽ ആശുപത്രിയിലേക്ക് എത്തിച്ചു. ഇടത് കൈക്കും വലത് ഷോൾഡറിനും പരിക്കേറ്റ ഹരീഷ് കണ്ണൂർ എകെജി ആശുപത്രിയിൽ ചികിത്സ തേടി.
മട്ടന്നൂർ പോലീസ് നിരവധി സിസിടിവി ദൃശ്യങ്ങൾ പരിശോധിച്ചു. അന്വേഷണത്തിൽ കാർ കണ്ടെത്തി പോലീസ് സ്റ്റേഷനിലെത്തിച്ചു. അശ്രദ്ധമായ വാഹന ഓടിക്കലിനും നിർത്താതെ പോയതിനും വകുപ്പുകൾ ചേർത്ത് കേസെടുത്തു. പോലീസ് സംഘത്തിന് നേതൃത്വം നൽകിയത് ഇൻസ്പെക്ടർ എ ബിനു.
കഴിഞ്ഞ ഒരു മാസത്തിനുള്ളിൽ നാല് വാഹനങ്ങൾ ഇത്തരത്തിൽ പിടികൂടിയിട്ടുണ്ട്. അപകട സ്ഥലത്തുനിന്നും ലഭിച്ച വാഹന ഭാഗങ്ങളും സിസിടിവി ദൃശ്യങ്ങളും ശാസ്ത്രീയ അന്വേഷണത്തിന് സഹായിച്ചു. മാർച്ച് 30-ന് പൊറോറ മുക്കിൽ വെച്ച് കാൽനടയാത്രക്കാരനെ ഇടിച്ചു പോയ കാറും പോലീസ് പിടികൂടിയിരുന്നു.
Photo and News Source: Kvartha
