വാഷിംഗ്ടൺ ഡി.സി.യിൽ വച്ച് നടന്ന വൈറ്റ് ഹൗസ് റിപ്പോർട്ടർമാരുടെ അത്താഴവിരുന്നിൽ ഡൊണാൾഡ് ട്രംപിനെ ലക്ഷ്യമിട്ട് നടന്ന ആക്രമണ ശ്രമം തലനാരിഴയ്ക്ക് ഒഴിവായി. പെട്ടെന്നുണ്ടായ വെടിയൊച്ചകളോടെ പരിഭ്രാന്തി പരന്നു. നിമിഷങ്ങൾക്കകം സുരക്ഷാ ഉദ്യോഗസ്ഥർ ട്രംപിനെ സുരക്ഷിത സ്ഥാനത്തേക്ക് മാറ്റി.
ഈ സംഭവത്തിൽ പിടിയിലായത് കാലിഫോർണിയ സ്വദേശി കോൾ ടോമസ് അലൻ (31). ടോറൻസ് സ്വദേശിയായ ഇയാൾ വിരുന്ന് നടന്ന അതേ ഹോട്ടലിൽ തന്നെ അതിഥിയായിരുന്നു. ഹോട്ടൽ മുറിയിൽ താവളമടിച്ച് കൃത്യമായ പദ്ധതികളോടെ പ്രവർത്തിച്ചുവെന്നാണ് പോലീസ് സംശയം. ഇയാളുടെ മുറിയിൽ അതീവ ജാഗ്രതയോടെ പരിശോധനകൾ നടക്കുന്നു.
പ്രതിയുടെ പക്കൽ ഒരു ഷോട്ട്ഗൺ, ഹാൻഡ്ഗൺ, മൂർച്ചയേറിയ കത്തികൾ തുടങ്ങിയ ആയുധശേഖരം ഉണ്ടായിരുന്നു. എഫ്.ബി.ഐ ഉൾപ്പെടെയുള്ള ഏജൻസികൾ പ്രതിയുടെ രാഷ്ട്രീയ ബന്ധങ്ങളെക്കുറിച്ച് അന്വേഷണം നടത്തുന്നു. സംഭവം ലോകശ്രദ്ധയാകർഷിച്ചിരിക്കുന്നു.
Photo and News Source: Kvartha
