ഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ സ്വിസ് എയർ വിമാനത്തിന് അപകടം സംഭവിച്ചു. 232 യാത്രക്കാരുമായി റൺവേയിൽ ടേക്ക് ഓഫ് ചെയ്യാൻ ശ്രമിക്കുന്നതിനിടെ വിമാനത്തിന്റെ ഒരു എൻജിനിൽ തീപിടിച്ചു. തുടർന്ന് പൈലറ്റ് വിമാനം റൺവേയിൽ തന്നെ നിർത്തി. അടിയന്തര എക്സിറ്റ് വഴി യാത്രക്കാരെ പുറത്തെത്തിക്കാൻ ശ്രമിച്ചു. തിക്കിലും തിരക്കിലും പെട്ട ആറ് യാത്രക്കാർക്ക് പരിക്കേറ്റു. അടിയന്തര ശുശ്രൂഷയ്ക്കായി ആശുപത്രിയിലെത്തിച്ചു.
വിമാനത്തിൽ നാല് കുട്ടികളും ഉൾപ്പെടെ 232 പേർ ഉണ്ടായിരുന്നു. ജീവനക്കാരിൽ ആർക്കും പരിക്കേൽക്കാതെ രക്ഷപ്പെട്ടു. എൻജിൻ തകരാറിനെത്തുടർന്നുണ്ടായ തീപിടുത്തത്തിന് ഷോർട്ട് സർക്യൂട്ട് പോലുള്ള കാരണങ്ങൾ ആകാം എന്ന് പ്രാഥമിക നിഗമനം. സ്വിസ് എയർ അധികൃതർ സംഭവത്തെക്കുറിച്ച് വിശദമായ അന്വേഷണം നടത്തുമെന്ന് പ്രഖ്യാപിച്ചു.
ദില്ലി വിമാനത്താവളത്തിലെ 28-ാം നമ്പർ റൺവേ താൽക്കാലികമായി അടച്ചു. യാത്രക്കാർക്ക് താമസവും പകരം യാത്രാ സംവിധാനങ്ങളും ഒരുക്കി വരുന്നതായി എയർലൈൻ അധികൃതർ വ്യക്തമാക്കി.
Photo and News Source: Sathyam Online
