ന്യൂഡൽഹി: 2027 ലെ സെൻസസിൽ സജീവമായി പങ്കെടുക്കാൻ പ്രധാനമന്ത്രി നരേന്ദ്ര മോദി ജനങ്ങളോട് ആഹ്വാനം ചെയ്തു. രാജ്യത്തിന്റെ വികസനത്തിനുള്ള പ്രധാന കാമ്പെയ്നാണിതെന്നും പൗരന്മാരുടെ വിവരങ്ങൾ സംരക്ഷിക്കുമെന്നും അദ്ദേഹം ഉറപ്പുനൽകി.
എണ്ണൽ ഉദ്യോഗസ്ഥർ മൊബൈൽ ആപ്പ് ഉപയോഗിച്ച് വീടുവീടാന്തരം സന്ദർശിച്ച് ഡാറ്റ ശേഖരിക്കുമെന്നും കൃത്യമായ വിവരങ്ങൾ നൽകാൻ അദ്ദേഹം ജനങ്ങളോട് അഭ്യർത്ഥിച്ചു. ‘മൻ കി ബാത്തിൽ’ റേഡിയോ പരിപാടിയിൽ സംസാരിച്ച മോദി, ആളുകൾക്ക് സ്വയം വിവരങ്ങൾ നൽകാനുള്ള സൗകര്യവും ഏർപ്പെടുത്തുമെന്ന് പ്രഖ്യാപിച്ചു.
15 ദിവസം മുമ്പ് ഈ സൗകര്യം ലഭ്യമാകുമെന്നും, പ്രക്രിയ പൂർത്തിയായ ശേഷം ഇമെയിലിലോ മൊബൈലിലോ പ്രത്യേക ഐഡി ലഭിക്കുമെന്നും അദ്ദേഹം വ്യക്തമാക്കി. വിവരങ്ങൾ പരിശോധിക്കാനും ജീവനക്കാർക്ക് കാണിക്കാനുമുള്ള സൗകര്യവും ഉള്ളതായി പറഞ്ഞു.
“ദേശീയ സെൻസസ് വെറുമൊരു സർക്കാർ കടമയല്ല. നമ്മുടെ എല്ലാവരുടെയും ഉത്തരവാദിത്തമാണ്. നിങ്ങളുടെ പങ്കാളിത്തം നിർണായകമാണ്. നൽകുന്ന വിവരങ്ങൾ പൂർണ്ണമായും സുരക്ഷിതവും രഹസ്യമായുമാണ്” – ഡാറ്റാ സുരക്ഷയെക്കുറിച്ചുള്ള ആശങ്കകൾ നീക്കിക്കൊണ്ട് മോദി പറഞ്ഞു. ബുദ്ധന്റെ ആദർശങ്ങൾ പിന്തുടരാൻ ലോകത്തോട് ആഹ്വാനം ചെയ്തു. ആഗോള അനിശ്ചിതത്വത്തിനിടയിൽ ഈ സന്ദേശങ്ങൾ വർത്തമാനത്തിനും ഭാവിക്കും ആവശ്യമാണെന്ന് അദ്ദേഹം benhighlight ചെയ്തു.
Photo and News Source: Janmabhumi
