ന്യൂഡൽഹി: ആംആദ്മി പാർട്ടിയുടെ (എഎപി) മുതിർന്ന നേതാവായ രാഘവ് ഛദ്ദയും ആറ് എംപിമാരും ബിജെപിയിൽ ചേരുന്നതിനെ തുടർന്ന് എഎപി നേതൃത്വത്തെ കടുത്ത വിമർശനത്തിന് ഇരയാക്കിയത് മുതിർന്ന സാമൂഹിക പ്രവർത്തകൻ അണ്ണാ ഹസാരെ.
ജനാധിപത്യത്തിൽ ഓരോരുത്തർക്കും സ്വന്തം തീരുമാനമെടുക്കാനുള്ള അവകാശമുണ്ടെന്നും, നേതാക്കൾ പാർട്ടി വിടുന്നത് പാർട്ടി നേതൃത്വം ആഴത്തിൽ ചിന്തിക്കേണ്ട വിഷയമാണെന്നും അദ്ദേഹം അഭിപ്രായപ്പെട്ടു. ആംആദ്മി പാർട്ടി അഴിമതിയിൽ മുങ്ങിയിരിക്കുന്നുവെന്ന ആരോപണത്തോടെയായിരുന്നു ഛദ്ദയുടെ പാർട്ടി മാറ്റം. രാജ്യസഭയിലെ എഎപിയുടെ ശക്തി കുറയുന്നതിനും ഈ നീക്കം കാരണമായി.
എഎപി ശരിയായ ദിശയിലല്ല സഞ്ചരിക്കുന്നതെന്നും, നിലവിലെ നേതൃത്വത്തിന്റെ പരാജയമാണ് ഇത്തരമൊരു പിളർപ്പിന് ഇടയാക്കിയതെന്നും ഹസാരെ വിമർശിച്ചു. 'ജനാധിപത്യത്തിൽ അഭിപ്രായം പറയാൻ എല്ലാവർക്കും അവകാശമുണ്ട്. ഛദ്ദയ്ക്കും മറ്റുള്ളവർക്കും ബുദ്ധിമുട്ടുകൾ ഉണ്ടായിട്ടുണ്ടാവണം, അതുകൊണ്ടാണ് അവർ പോയത്' എന്നദ്ദേഹം വെള്ളിയാഴ്ച അഹല്യനഗറിൽ വെച്ച് പറഞ്ഞു. ഈ തെറ്റിന്റെ ഉത്തരവാദിത്തം പാർട്ടി നേതൃത്വത്തിനാണെന്നും അദ്ദേഹം ചൂണ്ടിക്കാട്ടി.
Photo and News Source: Mathrubhumi
