ദോഹ: വോഡഫോൺ ഖത്തറിന്റെ സേവനങ്ങൾ വിപുലീകരിക്കുന്നതിന്റെ ഭാഗമായി ദോഹ മാളിലും വക്ര ബുളിവാർഡിലും പുതിയ റീട്ടെയിൽ സ്റ്റോറുകൾ ഉദ്ഘാടനം ചെയ്തു. ഉപഭോക്താക്കൾക്ക് വേഗത്തിലും എളുപ്പത്തിലും സേവനങ്ങൾ ലഭ്യമാക്കുക എന്ന ലക്ഷ്യത്തോടെയാണ് ഈ പുതിയ കടകൾ പ്രവർത്തനമാരംഭിച്ചത്.
ജനസഞ്ചയമുള്ള പ്രദേശങ്ങളായതിനാൽ ഈ സ്റ്റോറുകൾ പ്രയോജനകരമാകുമെന്ന് കമ്പനി പ്രതീക്ഷിക്കുന്നു. ഏറ്റവും പുതിയ സ്മാർട്ട്ഫോണുകൾ, 5G ഫൈബർ റൂട്ടറുകൾ, ഹോം ബ്രോഡ്ബാൻഡ് പരിഹാരങ്ങൾ എന്നിവ ഇവിടെ ലഭ്യമാണ്. ഓരോ സ്റ്റോറിലും 'ഹോം കോർണർ' സജ്ജീകരിച്ചിരിക്കുന്നു.
ഇവിടെ ഉപഭോക്താക്കൾക്ക് തത്സമയം വോഡഫോൺ ഫൈബർ കണക്റ്റിവിറ്റി അനുഭവിക്കാൻ സാധിക്കും. വോഡഫോൺ ഖത്തർ എക്സിക്യൂട്ടീവുകളുടെ നേതൃത്വത്തിലായിരുന്നു ഉദ്ഘാടന ചടങ്ങ്. ആദ്യം എത്തിയ ഉപഭോക്താക്കൾക്ക് പ്രത്യേക ഓഫറുകളും ലഭിച്ചു. കമ്പനിയുടെ സാന്നിധ്യം ശക്തിപ്പെടുത്തുന്നതിന്റെ ഭാഗമാണ് ഈ പുതിയ സ്റ്റോറുകൾ.
Photo and News Source: Suprabhaatham
