കോട്ടയത്ത് നടന്ന ലെൻസ്ഫെഡ് യോഗത്തിൽ, കേരളത്തിന്റെ നിര്മ്മാണമേഖല ഗുരുതര പ്രതിസന്ധിയിലാണെന്ന് വെളിപ്പെടുത്തി. നിയന്ത്രണമില്ലാത്ത വിലവര്ദ്ധന, സാമഗ്രികളുടെ ലഭ്യതക്കുറവ്, തൊഴിലാളികളുടെ അപര്യാപ്തത, കാലാവസ്ഥാ പ്രശ്നങ്ങൾ എന്നിവയാണ് പ്രധാന കാരണങ്ങൾ. ആഗോള സംഘട്ടനങ്ങളുടെ ഫലമായി ഇന്ധനവും ഗ്യാസും വിലയില് ഉയര്ന്നതോടെ നിര്മ്മാണസാമഗ്രികളുടെ വില കുത്തനെ കൂടി. സ്റ്റീലിന്റെ കിലോ വില 10 മുതൽ 15 രൂപ വരെയും, സിമന്റിന്റെ ചാക്ക് 15 മുതൽ 30 രൂപ വരെയും ഉയര്ന്നു.
ടൈല്, സാനിറ്ററി ഉല്പ്പന്നങ്ങൾക്ക് 15 മുതൽ 50 ശതമാനം വരെ വിലകൂടി. വയറ് പോലുള്ള ഇലക്ട്രിക്കല് സാമഗ്രികളുടെ വില 10 മുതൽ 40 ശതമാനം വരെ ഉയര്ന്നു. നിരവധി കമ്പനികള് പ്രവര്ത്തനം നിര്ത്തി. ചെങ്കല്ല്, കരിങ്കല്ല്, ക്വാറി മണല് എന്നിവയുടെ വിലയും അനിയന്ത്രിതമായി ഉയരുകയാണ്. തൊഴിലാളി ക്ഷാമവും മേഖലയെ തളച്ചിടുന്നു. തെരഞ്ഞെടുപ്പിനെത്തുടര്ന്ന് മറ്റു സംസ്ഥാനങ്ങളിലെ തൊഴിലാളികള് തിരികെ പോയതുമൂലം കേരളത്തില് തൊഴിലാളി ദൗർലഭ്യം രൂക്ഷമായി.
ഇതിന്റെ ഫലമായി ഒരു സാധാരണ വീടിന്റെ നിർമ്മാണച്ചെലവ് ചതുരശ്ര അടിക്ക് 2400 മുതൽ 3000 രൂപയായി ഉയര്ന്നു. കൃത്രിമമായും അനിയന്ത്രിതമായും വിലവര്ദ്ധിപ്പിക്കുന്നതിനെതിരെ സർക്കാരിന്റെ ഇടപെടൽ ആവശ്യമാണ്.
Photo and News Source: Janmabhumi
