ഗുരുഗ്രാമിലെ ഒരു മലയാളി യുവാവ് ലൈംഗിക ശേഷി വർദ്ധിപ്പിക്കുന്ന മരുന്നുകൾ അമിതമായി കഴിച്ചതിനെ തുടർന്ന് മരണമടഞ്ഞു. 29 വയസ്സുള്ള രോഹിത് ലാൽ നാഗ്പൂരിൽ താമസമാക്കിയ വ്യക്തിയായിരുന്നു. ന്യൂഡൽഹിയിലെ ക്വാളിറ്റി കൗൺസിൽ ഓഫ് ഇന്ത്യയിൽ ഉദ്യോഗസ്ഥനായിരുന്ന ഇദ്ദേഹം, വ്യാഴാഴ്ച ഓഫീസിലേക്ക് വരാത്തതിനെ തുടർന്ന് സഹപ്രവർത്തകർ പോലീസിനെ അറിയിച്ചു. പോലീസ് വാതിൽ പൊളിച്ച് അകത്തുകടന്നപ്പോൾ കട്ടിലിൽ മരിച്ച നിലയിൽ കണ്ടെത്തി. മുറിയിൽ നിന്ന് ഒഴിഞ്ഞ പാക്കറ്റുകളും മരുന്നുകളും കണ്ടെടുത്തു.
പ്രതിശ്രുത വധുവിനെ കാണാനുള്ള തയ്യാറെടുപ്പിലായിരുന്നു രോഹിത്. മരുന്നുകളുടെ അമിത അളവ് ഹൃദയാഘാതത്തിന് കാരണമായതാകാമെന്ന് പോലീസ് സംശയിക്കുന്നു. ആന്തരിക അവയവങ്ങളുടെയും മരുന്നുകളുടെയും പരിശോധനയ്ക്കായി ഫോറൻസിക് ലബോറട്ടറിയിലേക്ക് അയച്ചു. പോസ്റ്റ്മോർട്ടിന് ശേഷം മൃതദേഹം ബന്ധുക്കൾക്ക് വിട്ടുകൊടുത്തു. സെക്ടർ 53 പോലീസ് സംഭവത്തെക്കുറിച്ച് വിശദമായ അന്വേഷണം നടത്തുന്നു.
Photo and News Source: Janmabhumi
