മുംബൈ നഗരത്തിനും പരിസര പ്രദേശങ്ങൾക്കുമുള്ള വൈദ്യുതി വിതരണ ശേഷി വർധിപ്പിക്കുന്നതിനായി അദാനി എനർജി സൊല്യൂഷൻസിന്റെ അനുബന്ധ സ്ഥാപനമായ അദാനി ഇലക്ട്രിസിറ്റി മുംബൈ ഇൻഫ്രാസ്ട്രക്ചർ ലിമിറ്റഡ് 1,000 മെഗാവാട്ട് ശേഷിയുള്ള ഹൈ-വോൾട്ടേജ് ഡയറക്ട് കറന്റ് ലിങ്ക് പ്രവർത്തനമാരംഭിച്ചു.
30 കിലോമീറ്റർ നീളമുള്ള ഓവർഹെഡ് ലൈനും 50 കിലോമീറ്റർ നീളമുള്ള അണ്ടർഗ്രൗണ്ട് കോറിഡോറും ഉൾക്കൊള്ളുന്ന ഈ പദ്ധതി, നഗരത്തിന്റെ തിരക്കേറിയ സാഹചര്യങ്ങൾ പരിഗണിച്ച് രൂപകൽപ്പന ചെയ്തിരിക്കുന്നു. ലോകത്തിലെ ആദ്യത്തെ കോംപാക്റ്റ് എച്ച് വി ഡി സി സബ്സ്റ്റേഷനും ഇതിന്റെ ഭാഗമാണ്.
പുതിയ ലിങ്ക് വഴി മുംബൈയ്ക്ക് പുറത്തുള്ള മേഖലകളിൽ നിന്നുള്ള വൈദ്യുതി കൂടുതൽ കാര്യക്ഷമമായി നഗരത്തിലേക്ക് എത്തിക്കാൻ സാധിക്കും. "ആരേ-കുദുസ് ട്രാൻസ്മിഷൻ ലൈൻ പ്രവർത്തനമാരംഭിച്ചതോടെ മുംബൈയ്ക്ക് പുനരുപയോഗ ഊർജ്ജം എത്തിക്കാൻ കഴിയുന്ന ആധുനിക വൈദ്യുതി കോറിഡോർ ലഭിച്ചു. ഇത് നഗരത്തിന്റെ ഊർജ്ജ സുരക്ഷയും ഗ്രിഡ് സ്ഥിരതയും ശക്തിപ്പെടുത്തുന്നു," എന്ന് AESL സിഇഒ കണ്ടാർപ്പ് പട്ടേൽ പ്രസ്താവിച്ചു.
നഗരത്തിലെ വൈദ്യുതി ആവശ്യകത ഉയരുന്ന സാഹചര്യത്തിൽ, ദൂരപ്രദേശങ്ങളിൽ നിന്നുള്ള ശുദ്ധോർജ്ജം നഗരങ്ങളിലേക്ക് എത്തിക്കുന്ന അടിസ്ഥാന സൗകര്യ വികസനത്തിൽ കമ്പനി ശ്രദ്ധ കേന്ദ്രീകരിക്കുന്നതിന്റെ ഭാഗമാണ് ഈ പദ്ധതി.
Photo and News Source: Kairali News
