തിരുവനന്തപുരത്ത് ബംഗ്ലാദേശി യുവതി കൂടി പോലീസ് പിടിയിലായി. 23 വയസ്സുള്ള അത്തർ തുമ്പയാണ് പുതിയ പിടിയായത്. മലയിൻകീഴ് മണപ്പുറത്ത് നിന്നാണ് ഇവരെ കണ്ടെത്തിയത്. രണ്ടുമാസമായി തിരുവനന്തപുരത്തുണ്ടായിരുന്ന ഇവർ ഇടപ്പഴഞ്ഞിയിലെ സ്പായിൽ ജോലി ചെയ്തിരുന്നു. പോലീസ് നടത്തിയ പരിശോധനയിൽ ഇവർക്ക് യാത്രാരേഖകളൊന്നും ഉണ്ടായിരുന്നില്ല.
ബംഗ്ലാദേശുകാരായ റുമ ചർണാഭ, റിമ ഷെയ്ക്ക് എന്നിവരും മുമ്പ് പോലീസ് പിടിയിലായിരുന്നു. ഇവർ റിമാൻഡിലാണ്. സ്പായുടമകളായ നിഹു ഹുസൈൻ, ഹരികൃഷ്ണൻ എന്നിവരെയും പോലീസ് അറസ്റ്റ് ചെയ്തു. രഹസ്യ വിവരങ്ങളുടെ അടിസ്ഥാനത്തിലാണ് ഈ നടപടി. ഇമിഗ്രേഷൻ നിയമപ്രകാരം ഇവർക്കെതിരെ കേസ് നിലവിലുണ്ട്. കൂടുതൽ ബംഗ്ലാദേശി യുവതികൾ കേരളത്തിൽ പ്രവേശിച്ചിട്ടുണ്ടാകാമെന്ന സംശയവും ഉയർന്നുവരുന്നു.
Photo and News Source: Janam TV
