വട്ടിയൂർക്കാവിലെ ബി ജെ പി-സി പി എം സംഘർഷത്തെ തുടർന്ന് പോലീസ് അസോസിയേഷൻ ജനറൽ സെക്രട്ടറി സി ആർ ബിജു, മുന് ഡി ജി പിമാരായ ശ്രീലേഖ, ടി പി സെൻകുമാർ എന്നിവരുമായി വാക്ക് പൊരുതുകയാണ്. സംഘർഷം നിയന്ത്രിക്കാൻ പോലീസ് എത്തിയപ്പോൾ ബി ജെ പി പ്രവർത്തകർ നടത്തിയ ആക്രമണത്തെയും തുടർന്നുണ്ടായ സൈബർ വ്യക്തിഹത്യയെയും ബിജു ഫേസ്ബുക്കിൽ അപലപിച്ചു. ശ്രീലേഖ “പോടാ പുല്ലേ പോലീസേ’ എന്ന മുദ്രാവാക്യവും സെൻകുമാർ “പോലീസ് സ്റ്റേഷൻ അടിച്ചു തകര്ക്കു’മെന്ന പ്രകോപനവും നടത്തിയത് അദ്ദേഹം രൂക്ഷമായി വിമർശിച്ചു.
ബി ജെ പി വനിതാവിങ്ങിന്റെ മഹിളാ മോർച്ച നടത്തിയ പോലീസ് സ്റ്റേഷൻ മാർച്ചുമായി ബന്ധപ്പെട്ടായിരുന്നു ഈ പ്രസ്താവനകൾ. “ഔദ്യോഗിക കൃത്യനിർവഹണത്തിൽ ഏർപ്പെട്ട പോലീസ് ഉദ്യോഗസ്ഥർക്ക് നേരെ അസഭ്യവർഷം നടത്തുന്നത് അവരുടെ സംസ്കാരത്തിന്റെ ഭാഗമാണ്. ഇവർ മുന് പോലീസ് ഉദ്യോഗസ്ഥർ എന്ന പരിഗണനയ്ക്ക് അർഹിക്കുന്നില്ല. സമൂഹം അവരെ അവഗണിക്കുകയാണ് വേണ്ടത്’ എന്നായിരുന്നു ബിജുവിന്റെ പ്രതികരണം.
ക്രമസമാധാന ചുമതല വഹിക്കുന്ന പോലീസ് സേനയുടെ മനോവീര്യം തകർക്കുന്ന പ്രസ്താവനകൾ ഉന്നതരിൽ നിന്നുണ്ടാകുന്നത് ഗൗരവമായ കാര്യമാണ്. ഒരു ഉദ്യോഗസ്ഥൻ സർവീസിൽ നിന്നും പിരിഞ്ഞാലും, സംഭവങ്ങളെ ശാന്തമായി നോക്കേണ്ടതാണ്.
Photo and News Source: Siraj Live
