കൊച്ചി: വരാപ്പുഴ പുത്തൻപള്ളി പ്രദേശത്ത് 14.05 ഗ്രാം രാസലഹരിയുമായി യുവാക്കൾ പോലീസ് പിടിയിലായി. കോട്ടുവള്ളി, കൂനമ്മാവ്, ചന്ദനപറമ്പിൽ വീട്ടിൽ ബിപിൻ (26) ഉം കൂനമ്മാവ് ആലപ്പാട്ട് വീട്ടിൽ റിഗിൽ ജോസ് (26) ഉം ആണ് ഇതിൽ ഉൾപ്പെടുന്നത്.
ജില്ലാ പോലീസ് മേധാവി കെ.എസ്. സുദർശന് ലഭിച്ച രഹസ്യവിവരത്തെ തുടർന്ന് നടത്തിയ പരിശോധനയിലാണ് ഇവരെ പിടികൂടിയത്. ബംഗലൂരിൽ നിന്ന് മയക്കുമരുന്ന് വാങ്ങി വരാപ്പുഴ, കൂനമ്മാവ്, ആലങ്ങാട് എന്നിവിടങ്ങളിൽ വിൽക്കുന്നതായി വിവരം ലഭിച്ചിരുന്നു.
പുത്തൻപള്ളി ഭാഗത്ത് സഞ്ചരിച്ചിരുന്ന കാർ തടഞ്ഞ് ഇവരെ കസ്റ്റഡിയിലെടുത്തു. മുനമ്പം ഡി.വൈ.എസ്.പി ജയകൃഷ്ണന്റെ മേൽനോട്ടത്തിൽ വരാപ്പുഴ ഇൻസ്പെക്ടർ എസ്. സുധീഷ് കുമാർ, എസ്.ഐ. മനോജ് കുമാർ, എ.എസ്.ഐ. ടി.എ. രജീഷ്, എസ്.സി.പി.ഒ. കെ.എസ്. രാഹുൽ, സി.പി.ഒ. മാരായ ഇ.എം. ജിതീഷ്, ജോബി ജോസഫ്, ശ്രീഷ്മ, പി.വി. വിശാഖ് എന്നിവരടങ്ങിയ അന്വേഷണ സംഘം പ്രവർത്തിച്ചിരുന്നു.
Photo and News Source: Sathyam Online
