കാൺപൂരിൽ 23 കാരനായ അഭിഭാഷകൻ പ്രിയാൻഷു ശ്രീവാസ്തവ കോടതി കെട്ടിടത്തിൽ നിന്നും ചാടി ആത്മഹത്യ ചെയ്തു. സ്വന്തം പിതാവിന്റെ ക്രൂരമായ മാനസികവും ശാരീരികവുമായ പീഡനങ്ങളാണ് ഇതിനു കാരണമെന്ന് ആത്മഹത്യാക്കുറിപ്പിൽ അദ്ദേഹം വെളിപ്പെടുത്തി.
കുട്ടിക്കാലം മുതൽ അനുഭവിച്ച അതിശക്തമായ സമ്മർദ്ദവും പീഡനങ്ങളും വിവരിച്ചുകൊണ്ട് രണ്ടു പേജുള്ള കത്ത് അദ്ദേഹം വാട്സ്ആപ്പ് സ്റ്റാറ്റസ് ആയി മാറ്റി. 'ഫ്രിഡ്ജിൽ നിന്ന് മാംഗോ ജ്യൂസ് എടുത്തപ്പോൾ വസ്ത്രം അഴിച്ച് വീടിന് പുറത്താക്കിയത് മുതൽ മാതാപിതാക്കളുടെ കർക്കശമായ പെരുമാറ്റം തന്നെ മാനസികമായി തകർത്തു' എന്നാണ് കത്തിൽ പറഞ്ഞിരിക്കുന്നത്.
ഫിസിക്കൽ എജ്യുക്കേഷൻ പഠിക്കാനുള്ള തന്റെ ആഗ്രഹത്തെ പിതാവ് നിർബന്ധിച്ച് കമ്പ്യൂട്ടർ സയൻസ് പഠിപ്പിക്കുകയും പൊതുസ്ഥലങ്ങളിൽ അപമാനിക്കുകയും ചെയ്തതും തന്റെ ജീവിതത്തെ ബാധിച്ചു എന്ന് അദ്ദേഹം കുറിപ്പിൽ സൂചിപ്പിച്ചു. മറ്റുള്ള മാതാപിതാക്കൾ മക്കളെ അമിതമായി പീഡിപ്പിക്കരുതെന്നും അദ്ദേഹം അഭ്യർത്ഥിച്ചു.
Photo and News Source: Mathrubhumi
