മലയാളികൾക്കും പ്രിയപ്പെട്ട തെന്നിന്ത്യൻ നടിയായ കയാദു ലോഹർ തന്റെ സെലിബ്രിറ്റി ക്രഷിനെ കുറിച്ച് മനസ്സ് തുറന്നിരിക്കുകയാണ്. പള്ളിച്ചട്ടമ്പി പ്രമോഷനിൽ പങ്കെടുക്കവേ നൽകിയ അഭിമുഖത്തിൽ, തന്റെ ക്രഷ് അൽ പച്ചിനോയാണെന്ന് അവർ വെളിപ്പെടുത്തി. ഹോളിവുഡ് നടനോടുള്ള തന്റെ അഭിനിവേശം പ്രകടിപ്പിച്ച കയാദു, അദ്ദേഹത്തിന്റെ സിനിമകൾ വീണ്ടും വീണ്ടും കാണാറുണ്ടെന്നും പറഞ്ഞു. ഇന്ത്യൻ സെലിബ്രിറ്റികളിൽ ക്രഷ് വിക്കി കൗശലാണെന്നും അവർ സൂചിപ്പിച്ചു.
മുഗിൽപേട്ടേ എന്ന കന്നട ചിത്രത്തിലൂടെ സിനിമാരംഗത്ത് അരങ്ങേറ്റം കുറിച്ച കയാദു, പത്തൊമ്പതാം നൂറ്റാണ്ട് എന്ന മലയാളം ചിത്രത്തിലൂടെ ശ്രദ്ധ നേടി. നങ്ങേലി എന്ന കഥാപാത്രം അവരുടെ പ്രശസ്തി വർദ്ധിപ്പിച്ചു. ഇപ്പോൾ ഐ ആം ഗെയിം, താരം എന്നീ ചിത്രങ്ങളിലും അവർ പ്രവർത്തിക്കുന്നുണ്ട്. വിവിധ ഭാഷകളിലായി ഒരുപിടി സിനിമകളും പണിപ്പുരയിലുണ്ട്.
Photo and News Source: Kairali News
