തിരുവനന്തപുരം: ക്രിക്കറ്റിലെ മലയാളി പ്രതിഭ സഞ്ജു സാംസണിന്റെ ബാറ്റിങ് ശൈലി കവിതയിലൂടെ വാഴ്ത്തി ശശി തരൂർ എം.പി. തന്റെ എക്സ് (X) പ്ലാറ്റ്ഫോമിലൂടെയാണ് ഈ കുറിപ്പ് പങ്കുവെച്ചത്.
"സഞ്ജുവിൽ എന്തോ ഒന്നുണ്ട്, വായുവിൽ നിറയുന്നൊരു ലാളിത്യം" എന്നാണ് തരൂർ സഞ്ജുവിന്റെ ബാറ്റിങ് ശൈലി വിശേഷിപ്പിച്ചത്. കൈത്തണ്ടയുടെ ചടുലതയും പന്ത് ബാറ്റിൽ കൊള്ളുമ്പോഴുള്ള കൃത്യമായ ടൈമിങ്ങും സഞ്ജുവിന്റെ പ്രത്യേകതയാണെന്ന് അദ്ദേഹം കുറിച്ചു.
ഒരു ചിത്രകാരന്റെ കൈവഴക്കത്തോടെ സഞ്ജു കളിക്കുന്നുവെന്നും ജയ്പൂർ മുതൽ ഡർബൻ വരെയുള്ള മൈതാനങ്ങളിൽ സമ്മർദ്ദം അതിജീവിച്ച് വിജയിക്കുന്നുവെന്നും തരൂർ പറഞ്ഞു. സഞ്ജുവിന്റെ ഓരോ സെഞ്ച്വറിയും പ്രകാശത്തിന്റെ തൂലികയാൽ വരച്ച നൂറ് റണ്ണുകൾ പോലെയാണെന്നും അദ്ദേഹം വിശേഷിപ്പിച്ചു.
Photo and News Source: Sathyam Online
