തിരുവനന്തപുരത്ത് നടന്ന സംഭവം സംബന്ധിച്ച് മുൻ ഡിജിപിയും ബിജെപി നേതാവുമായ ആർ. ശ്രീലേഖ മറുപടി നൽകിയിരിക്കുന്നു. പൊലീസ് സേനയിൽ പ്രവർത്തിച്ചിരുന്നപ്പോൾ തെറ്റുകൾ ചെയ്ത ഉദ്യോഗസ്ഥരെ 'പോടാ, പുല്ലേ' എന്ന് വിളിച്ചിരുന്നതായി അവർ വെളിപ്പെടുത്തി.
ഗുരുതര തെറ്റുകൾ, അഴിമതി എന്നിവ നടത്തിയ പല ഉദ്യോഗസ്ഥർക്കും സസ്പെൻഷനും ഡിസ്മിസ്സലും നൽകിയിട്ടുണ്ട്. ചിലർക്ക് ശിക്ഷയും ലഭിച്ചിട്ടുണ്ട്. രാഷ്ട്രീയ നേതാക്കളോ പോലീസ് സംഘടനകളോ തന്നെതിരെ ഒന്നും പറഞ്ഞിട്ടില്ലെന്നും ശ്രീലേഖ ചൂണ്ടിക്കാട്ടി.
വിരമിച്ച ശേഷം തെറ്റുകൾ ചെയ്തവരെ 'പോടാ' എന്ന് വിളിക്കുന്നതിൽ തെറ്റ് കാണുന്നതെന്തെന്നും അവർ ചോദിച്ചു. വട്ടിയൂർക്കാവ് എസ്എച്ച്ഒയ്ക്ക് അവധി നൽകാനുള്ള നിർദ്ദേശത്തെ സ്വാഗതം ചെയ്യുന്നുവെന്നും ഡിജിപിയും കമ്മീഷണർക്കും നന്ദി അറിയിക്കുന്നുവെന്നും അവർ വ്യക്തമാക്കി.
Photo and News Source: Kerala Online News
