കൊൽക്കത്തയിലെ പ്രശസ്ത കാർഡിയോളജിസ്റ്റ് ഡോ. പ്രകാശ് കുമാർ ഹസ്ര, തന്റെ ക്ലിനിക്കിലെ രോഗികൾക്ക് കൺസൾട്ടേഷൻ ഫീസിൽ 500 രൂപ ഇളവ് പ്രഖ്യാപിച്ചു. ക്യുആർ കോഡിലൂടെയാണ് ഈ ഓഫർ ലഭ്യമാക്കിയത്. “പ്രധാനമന്ത്രി നരേന്ദ്ര മോദിയും ബിജെപിയും എനിക്ക് പ്രചോദനമാണ്” എന്നദ്ദേഹം പറഞ്ഞു. താൻ നടത്തുന്ന ഈ സംരംഭം സന്നദ്ധ പ്രവർത്തനമാണെന്നും, രോഗികൾക്ക് സഹായം ചെയ്യുക മാത്രമാണ് ലക്ഷ്യമെന്നും അദ്ദേഹം വ്യക്തമാക്കി. 30 വർഷത്തിലധികം അനുഭവമുള്ള ഹസ്ര, തൃണമൂൽ കോൺഗ്രസ് വിമർശകരോട് പ്രതികരിക്കുകയും ചെയ്തു. “ചില ഡോക്ടർമാർ ‘ലാൽ സലാം’ പറയുമ്പോൾ, എനിക്ക് ‘ജയ് ശ്രീ റാം’ പറയാൻ എന്ത് തടസ്സമുണ്ട്?” എന്നദ്ദേഹം ചോദിച്ചു. പ്രതിദിനം 40 രോഗികളിൽ പകുതിയോളം പേരെ
സൗജന്യമായി ചികിത്സിക്കുന്ന അദ്ദേഹം, വിവേചനത്തെ ഖണ്ഡിച്ചു. തൃണമൂൽ കോൺഗ്രസ് നേതാക്കൾ ഇതിനെതിരെ രംഗത്തെത്തിയിട്ടുണ്ട്.
Photo and News Source: Janmabhumi
