മൂടാടിയിലെ തിക്കോടി പഞ്ചായത്ത് കവലയിലെ അടിപ്പാത ഗതാഗതക്കുരുക്കിന് കളമൊരുക്കുന്നു. ദേശീയപാതയിലെ സർവീസ് റോഡിൽ ഇരുഭാഗത്തും ഉണ്ടാകുന്ന തിരക്കാണ് പ്രശ്നത്തിന്റെ പ്രധാന കാരണം. ആനക്കുളം-തിക്കോടി ബീച്ച് റോഡിലെ വാഹനങ്ങൾ ഇരുഭാഗത്തേക്കും തിരിയുന്നതും തിരക്കിനു കാരണമാകുന്നു.
ഇത്രയും ഗതാഗതതടസ്സത്തിൽ വാഹനങ്ങൾ നീങ്ങാൻ വൈകുന്നു. കൈയൂക്കുകാട്ടി പോകുന്നവർ മാത്രം മുന്നേറുമ്പോൾ മറ്റുള്ളവർ ഏറെനേരം കാത്തിരിക്കേണ്ടി വരുന്നു. സർവീസ് റോഡിലൂടെ ആംബുലൻസ് വരുമ്പോൾ കൂട്ടപ്പൊരിക്കൽ സാധാരണമാണ്. നിയമപാലകരെ ഇവിടെ വിന്യസിക്കാൻ ഇതുവരെ കഴിഞ്ഞിട്ടില്ല.
ദേശീയപാതയിലെ റീ ടാറിങ് പ്രവൃത്തിയും ഗതാഗതക്കുരുക്കിനു കാരണമാകുന്നു. മുൻകൂട്ടി വിവരം ലഭിക്കാത്തതിനാൽ യാത്രക്കാർ പെട്ടുപോകുന്നു. ഒട്ടേറെ വാഹനങ്ങൾ വളഞ്ഞു പോകേണ്ടി വരുന്നു. കൊടുംവേനലിൽ വഴിയിൽ കുരുങ്ങുന്നവരുടെ പ്രയാസം വർണ്ണിക്കാൻ വയ്യാത്തതാണ്.
Photo and News Source: Mathrubhumi
