ചങ്ങനാശേരിയിലെ ഇളംകാവ് ദേവീക്ഷേത്രത്തിൽ പത്താമുദയം ഉത്സവത്തിന്റെ ഭാഗമായി വ്യാഴാഴ്ച ഗജരാജസംഗമം നടന്നു. ഭംഗിയും ഉയരവും കൊണ്ട് ശ്രദ്ധ പിടിച്ചുപറ്റിയ ആനകൾ ക്ഷേത്രത്തിന്റെ തെക്കേ നടയിൽ നിരന്നു. കാഴ്ചക്കാരുടെ ആവേശം അതിര് കടന്നു. പള്ളിവേട്ട ദിവസത്തിലായിരുന്നു ഈ വലിയ ആനമേള.
ഗജമേളയിൽ പുതുപ്പള്ളി കേശവൻ പൊക്കത്തിൽ ഒന്നാമതെത്തി. ദേവിയുടെ തിടമ്പേറ്റിയ കേശവന് ക്ഷേത്രം തന്ത്രി സൂര്യകാലടിമന സുബ്രമണ്യൻ ഭട്ടതിരിപ്പാട് പുരസ്കാരം സമ്മാനിച്ചു. ഉഷശ്രീ ശങ്കരൻകുട്ടി വലത്തും ചൈത്രം അച്ചു ഇടതും ദേവിക്ക് കൂട്ടായി നിലകൊണ്ടു. രാവിലെ എട്ടുമണി മുതൽ വിവിധ കരകളിലെ പാട്ട് അമ്പലങ്ങളിൽ നിന്ന് കാവടി കുംഭകുട ഘോഷയാത്രകൾ ആരംഭിച്ചു.
ശ്രീ മഹാദേവി കാവടി സംഘം, അമ്പലക്കോടി യുവജന സമാജം, ശ്രീകൃഷ്ണ സേവാ സമിതി തുടങ്ങിയ സംഘടനകളുടെ നേതൃത്വത്തിൽ ഘോഷയാത്രകൾ ക്ഷേത്രത്തിലെത്തി. ആന ചമയങ്ങൾ ഇല്ലാതെയായിരുന്നു ഗജമേള. അരുണിമ പാർത്വ സാരഥി, അമ്പാടി ബാലൻ, വേനാട്ട് മറ്റം ഗോപാലൻ കുട്ടി തുടങ്ങിയ ആനകളും ഗജമേളയിൽ പങ്കെടുത്തു.
Photo and News Source: Sathyam Online
