ദുബൈയിൽ പ്രവാസി മലയാളി യുവാവ് അന്തരിച്ചു. കോഴിക്കോട് അടിവാരം പൊട്ടിക്കയിൽ കല്ലേപുള്ളിയിൽ കോയാമു ഹാജിയുടെ മകൻ റസൽ (45) ആണ് മരണപ്പെട്ടത്. ദുബൈയിൽ ബിസിനസ് നടത്തിവരികയായിരുന്നു അദ്ദേഹം. ഭാര്യയും മക്കളുമടങ്ങുന്ന കുടുംബത്തോടൊപ്പമായിരുന്നു റസൽ ദുബൈയിൽ താമസിച്ചിരുന്നത്.
അൽഖേരി ഗേറ്റിൽ ബ്ലൂമാർട്ട് സൂപ്പർമാർക്കറ്റിന് സമീപത്തുള്ള താമസസ്ഥലത്തുവെച്ച് റസലിനെ മരിച്ച നിലയിൽ കണ്ടെത്തുകയായിരുന്നുവെന്ന് ബന്ധുക്കൾ അറിയിച്ചു. മരണകാരണം വ്യക്തമല്ല. തുടർനടപടികൾക്കായി മൃതദേഹം ആശുപത്രിയിലേക്ക് മാറ്റിയിട്ടുണ്ട്.
പോസ്റ്റ്മോർട്ടം ഉൾപ്പെടെയുള്ള നിയമപരമായ നടപടിക്രമങ്ങൾ പൂർത്തിയാക്കിയ ശേഷം മാത്രമേ മൃതദേഹം നാട്ടിലേക്ക് കൊണ്ടുപോകുന്നതടക്കമുള്ള കാര്യങ്ങളിൽ തീരുമാനമെടുക്കുകയുള്ളൂ എന്ന് ബന്ധുക്കൾ വ്യക്തമാക്കി. പ്രവാസലോകത്തെ ഞെട്ടിച്ച ഈ വിയോഗത്തിൽ നിരവധി പേർ അനുശോചനം രേഖപ്പെടുത്തി.
Photo and News Source: Suprabhaatham
