കോഴിക്കോട് പന്തീരാങ്കാവ് ടോള് പ്ലാസിന് സമീപം നടന്ന വൻ ലഹരിമരുന്ന് വേട്ടയിൽ 3.312 കിലോ മെതാംഫിറ്റമിനും 56 ഗ്രാം എംഡിഎംഎ എക്സ്റ്റസി ഗുളികകളും പിടികൂടി. വിപണിയിൽ ഇവയ്ക്ക് 3.5 കോടി രൂപയിലേറെ വിലയുണ്ട്. സംസ്ഥാനത്തെ ഏറ്റവും വലിയ ലഹരിമരുന്നു വേട്ടയാണിത്.
രഹസ്യവിവരത്തെ അടിസ്ഥാനമാക്കിയാണ് പരിശോധന നടത്തിയത്. കോഴിക്കോട് സ്വദേശി ഫാത്തിമ നസ്റീനും (20), മലപ്പുറം കൊണ്ടോട്ടി സ്വദേശി പികെ ഷഫീഖും (35) അറസ്റ്റിലായി. സംയുക്ത നീക്കത്തിൽ എക്സൈസ്, നാർക്കോട്ടിക്, സൈബർ വിഭാഗങ്ങളും പങ്കെടുത്തു.
കാറിന്റെ ബോണറ്റിനുള്ളിലെ രഹസ്യ അറയിൽ ഒൻപതു പൊതികളിലായിരുന്നു ലഹരിമരുന്ന് മറഞ്ഞിരുന്നത്. ഷഫീഖിനെതിരെ വയനാട്, മലപ്പുറം ജില്ലകളിലായി നിരോധിത ലഹരി കടത്തുമായി ബന്ധപ്പെട്ട കേസുകളുണ്ട്. ചേലമ്പ്രയിലേക്കാണ് ലഹരിമരുന്നുകൾ എത്തിക്കാനുള്ള ഉദ്ദേശം. മംഗളൂരുവിൽ നിന്ന് കുടുംബയാത്രയെന്ന വ്യാജേന സംശയം ഒഴിവാക്കിയതായി കണ്ടെത്തി.
Photo and News Source: Samakalika Malayalam
