തിരുവനന്തപുരം: കേന്ദ്ര കാലാവസ്ഥാ വകുപ്പ് സംസ്ഥാനത്തെ ചില ജില്ലകളിൽ ഉഷ്ണതരംഗ സാധ്യത മുന്നറിയിപ്പ് പ്രഖ്യാപിച്ചു. പാലക്കാട്, കൊല്ലം, തൃശൂർ ജില്ലകളിലാണ് ഈ മുന്നറിയിപ്പ്. 41 ഡിഗ്രി സെൽഷ്യസ് വരെ താപനില രേഖപ്പെടുത്തിയ തൃശൂരിൽ കൂടിയ ചൂട് അനുഭവപ്പെടുന്നുണ്ട്. സാധാരണ താപനിലയെക്കാൾ നാലര ഡിഗ്രി വരെ ഉയർന്ന താപനിലയാണ് സംസ്ഥാനത്തിന്റെ മറ്റ് ഭാഗങ്ങളിലും രേഖപ്പെടുത്തുന്നത്.
തീരദേശ സംസ്ഥാനമായതിനാൽ അന്തരീക്ഷത്തിലെ ഈർപ്പം കൂടുതലായതിനാൽ, റിപ്പോർട്ട് ചെയ്യപ്പെടുന്ന താപനിലയേക്കാൾ വളരെ ഉയർന്ന താപസൂചിക അനുഭവപ്പെടുന്നു. രണ്ട് ദിവസത്തേക്ക് ഉയർന്ന താപനില തുടരുന്ന സാഹചര്യത്തിലാണ് ഉഷ്ണതരംഗം ഔദ്യോഗികമായി സ്ഥിരീകരിക്കുക. സംസ്ഥാന ദുരന്ത നിവാരണ അതോറിറ്റി മുഴുവൻ ജില്ലകളിലും കർശനമായ സുരക്ഷാ മുൻകരുതലുകൾ സ്വീകരിക്കാൻ നിർദ്ദേശം നൽകിയിരിക്കുന്നു.
Photo and News Source: Janmabhumi
