വാഷിങ്ടണിൽ നിന്നുള്ള റിപ്പോർട്ടുകളിൽ, നാസയുടെ ക്യൂരിയോസിറ്റി റോവർ ചൊവ്വയുടെ ഉപരിതലത്തിൽ നിന്ന് 21 ജൈവ തന്മാത്രകൾ കണ്ടെത്തിയതായി പ്രഖ്യാപിച്ചു. 2020-ൽ മൗണ്ട് ഷാര്പ്പ് മേഖലയിലെ മേരി ആനിങ് 3 എന്ന ശിലയിൽ നിന്ന് ശേഖരിച്ച സാമ്പിളുകളിലാണ് ഈ കണ്ടെത്തൽ. ഏഴ് തന്മാത്രകൾ ചൊവ്വയിൽ ആദ്യമായി തിരിച്ചറിയപ്പെട്ടവയാണ്.
ശതകോടി വർഷങ്ങൾക്കു മുമ്പ് തടാകങ്ങളും അരുവികളും നിറഞ്ഞിരുന്ന ഈ പ്രദേശം പിന്നീട് മരുപ്പച്ചകളായി മാറിയിരുന്നു. എന്നാൽ, കളിമണ് ധാതുക്കളുടെ സാന്നിധ്യം ഇവിടെ ജൈവ സംയുക്തങ്ങളെ സംരക്ഷിക്കാൻ സഹായിച്ചു. ജീവന്റെ അടിസ്ഥാനമായി കണക്കാക്കപ്പെടുന്ന കാര്ബണ് സംയുക്തങ്ങളാണിവ. എങ്കിലും, ഈ തന്മാത്രകൾ ജീവജാലങ്ങളിൽ നിന്നാണോ അതോ പരിണാമ പ്രക്രിയകളിലൂടെയാണോ ഉണ്ടായതെന്ന് ഇനിയും സ്ഥിരീകരിക്കപ്പെട്ടിട്ടില്ല.
നൈട്രജൻ ഹെറ്ററോസൈക്കിള് എന്ന തന്മാത്രയുടെ കണ്ടെത്തലാണ് ഗവേഷകരെ ഏറെ ആകർഷിച്ചത്. ഡിഎന്എ, ആര്എന്എ എന്നിവയുടെ രൂപീകരണത്തിന് മുന്നോടിയായി സങ്കീർണ്ണമായ തന്മാത്രാ ഘടനയാണ് ഇത്. 2011 നവംബർ 26-ന് ചൊവ്വ പര്യവേഷണത്തിനായി ക്യൂരിയോസിറ്റി റോവർ വിക്ഷേപിക്കപ്പെട്ടു. ചൊവ്വയിലെ പഴയ സാഹചര്യങ്ങളെയും ജീവന്റെ സാധ്യതകളെയും കുറിച്ചുള്ള പുതിയ വിവരങ്ങൾ ഈ ദൗത്യം നൽകുമെന്ന പ്രതീക്ഷയിലാണ് ഗവേഷകർ.
Photo and News Source: Janmabhumi
