കൊട്ടിയം : ദേശീയപാത 6-ന്റെ വിപുലീകരണത്തിന്റെ ഭാഗമായി ഇത്തിക്കരയിൽ അടിപ്പാത നിർമ്മാണം ആരംഭിച്ചു. ഇതോടെ ഗതാഗതം പൂർണമായി തടസ്സപ്പെട്ടു. ഇരുചക്ര വാഹനങ്ങൾക്കുപോലും കടന്നുപോകാൻ വഴിയില്ലാതായി. കൊട്ടിയം മുതൽ ചാത്തന്നൂർ വരെ നിരവധി വാഹനങ്ങൾ മണിക്കൂറുകളോളം കുരുങ്ങി.
ആംബുലൻസുകൾ ഉൾപ്പെടെ നിരവധി വാഹനങ്ങൾ ഇവിടെ കുടുങ്ങി. മുന്നറിയിപ്പില്ലാതെ ആയതിനാൽ നൂറുകണക്കിന് വാഹനങ്ങൾ ഇവിടേക്ക് എത്തി. ഇത്തിക്കര പള്ളിക്കു സമീപമാണ് അടിപ്പാതയുടെ നിർമ്മാണം ആരംഭിച്ചത്. റോഡ് അടച്ചതിനുശേഷം പള്ളിക്കു മുന്നിലുള്ള സർവീസ് റോഡിലൂടെ വാഹനങ്ങൾക്ക് കടന്നുപോകാൻ കഴിഞ്ഞു.
കെ.എസ്.ആർ.ടി.സി. ബസുകളും കണ്ടെയ്നറുകളും ഈ റോഡിലൂടെ വന്നതിനാൽ വാഹനങ്ങൾക്ക് ഇരുവശത്തേക്കും പോകാൻ കഴിയാതായി. വാഹനങ്ങൾ കുരുങ്ങുന്നതു ശ്രദ്ധിച്ച നാട്ടുകാരും പൊതുപ്രവർത്തകരും കരാർ കമ്പനിയെ അറിയിച്ചു. തുടർന്ന് ഒരു ഭാഗത്ത് മണ്ണിട്ടു വാഹനങ്ങൾക്ക് കടന്നുപോകാൻ വഴി ഒരുക്കി. എന്നാൽ വാഹനങ്ങൾക്ക് കടന്നുപോകാൻ കൂടുതൽ സമയമെടുത്തു.
Photo and News Source: Mathrubhumi
