പാകിസ്ഥാൻ ക്രിക്കറ്റ് താരമായ മുഹമ്മദ് നവാസിനെതിരെ ഉത്തേജക മരുന്ന് ഉപയോഗത്തിനുള്ള ആരോപണം ഉയർന്നിട്ടുണ്ട്. 2026 ഫെബ്രുവരിയിൽ നടന്ന ടി20 ലോകകപ്പിനിടെ ശേഖരിച്ച സാമ്പിളിൽ നിരോധിത വസ്തുക്കൾ കണ്ടെത്തിയത് താരത്തിന്റെ കരിയറിനെ തകർത്തു. പാകിസ്ഥാൻ ക്രിക്കറ്റ് ബോർഡ് (പിസിബി) ഔദ്യോഗിക അന്വേഷണം ആരംഭിച്ചിരിക്കുകയാണ്. ലോകകപ്പിലെ എല്ലാ മത്സരങ്ങളിലും കളിച്ച നവാസിന് ഈ കണ്ടെത്തൽ വലിയ തിരിച്ചടിയായി.
ഇംഗ്ലീഷ് കൗണ്ടി ക്രിക്കറ്റിലെ ടി20 ബ്ലാസ്റ്റിൽ സറേ ക്ലബ്ബിനായി കരാറൊപ്പിട്ടെങ്കിലും, പരിശോധനാ ഫലം പുറത്തുവന്നതോടെ കരാർ റദ്ദാക്കി. പിസിബി നേരത്തെ എൻഒസി നൽകിയിരുന്നെങ്കിലും, യാത്ര മുടങ്ങി. നിലവിൽ അന്വേഷണം തുടരുകയാണെങ്കിലും, നവാസ് പാകിസ്ഥാൻ സൂപ്പർ ലീഗിൽ കളിക്കുന്നുണ്ട്. കഴിഞ്ഞ ദിവസം റാവൽപിണ്ടിക്കെതിരെ നടന്ന മത്സരത്തിലും പങ്കെടുത്തു.
ആരാധകർ ഇടയിൽ, അന്വേഷണത്തിൽ കുറ്റം തെളിയിക്കപ്പെട്ടാൽ ഐസിസിയുടെ കർശന നടപടികളും ദീർഘകാല വിലക്കും നേരിടേണ്ടി വരുമെന്ന ആശങ്കയാണ്.
Photo and News Source: Malayalam Express
