ഭാരതത്തിന്റെ പാർലമെന്റിൽ ‘നാരി ശക്തി വന്ദൻ അധിനിയം’ അഥവാ വനിതാ സംവരണ ബിൽ ഭേദഗതി പരാജയപ്പെട്ടത് കോടിക്കണക്കിന് സ്ത്രീകളുടെ സ്വപ്നങ്ങളെ ഇല്ലാതാക്കിയ സംഭവമാണ്. കോൺഗ്രസും സഖ്യകക്ഷികളും ചേർന്നാണ് ഈ ബിൽ തള്ളിയത്. രാജ്യതാൽപ്പര്യത്തിനും സ്ത്രീശാക്തീകരണത്തിനും മുന്നിൽ സ്വാർത്ഥ രാഷ്ട്രീയത്തെ പ്രതിപക്ഷം മുന്നോട്ട് വച്ചതാണ് ഈ നടപടി.
വനിതാ സംവരണ ബിൽ പരാജയപ്പെട്ടപ്പോൾ പ്രതിപക്ഷം കയ്യടിച്ച് ആഘോഷിച്ചത് അമ്പത് ശതമാനം സ്ത്രീകളുടെ ആത്മാഭിമാനത്തിന് ഏറ്റ പ്രഹരമാണ്. അവകാശങ്ങൾ നിഷേധിക്കപ്പെട്ടത് കണ്ട് ആഹ്ളാദിച്ച പാർട്ടികളെ സ്ത്രീകൾ ഒരിക്കലും പൊറുക്കില്ല. ഇരുപത്തിയൊന്നാം നൂറ്റാണ്ടിലെ സ്ത്രീകൾ ഈ വഞ്ചനയെ വ്യക്തമായി മനസ്സിലാക്കുന്നു.
പ്രതിപക്ഷ പാർട്ടികളുടെ വനിതാ സംവരണത്തെ ഭയപ്പെടുന്നതിന്റെ കാരണം അവരുടെ കുടുംബാധിപത്യ രാഷ്ട്രീയമാണ്. സാധാരണ സ്ത്രീകൾ ശാക്തീകരിക്കപ്പെടുന്നത് തലമുറകളായി അധികാരം കൈയ്യാളുന്ന കുടുംബങ്ങളുടെ നിലനിൽപ്പിനെ അപകടപ്പെടുത്തുമെന്ന ഭയം തന്നെയാണ് ഈ വഞ്ചനയ്ക്ക് പിന്നിൽ. രാജ്യത്തെ സ്ത്രീകളുടെ ശാക്തീകരണത്തിനെതിരെ നടന്ന ഈ നടപടി സ്വതന്ത്ര ഭാരത ചരിത്രത്തിലെ വലിയ വഞ്ചനകളിലൊന്നാണ്.
Photo and News Source: Janmabhumi
