ന്യൂഡൽഹി: കശ്മീരിലെ പഹല്ഗാം ഭീകരാക്രമണത്തിന് ഒരു വർഷം പൂർത്തിയായി. 2025 ഏപ്രിൽ 22-ന് അനന്ത്നാഗ് ജില്ലയിലെ 'മിനി സ്വിറ്റ്സർലൻഡ്' എന്നറിയപ്പെടുന്ന ബൈസരന് പുല്മേട്ടില് മൂന്ന് ഭീകരർ വെടിയുതിർക്കുകയായിരുന്നു. 25 വിനോദസഞ്ചാരികളും ഒരു പ്രദേശവാസിയും കൊല്ലപ്പെട്ടു. കൊച്ചി സ്വദേശിയായ എന് രാമചന്ദ്രൻ ഉൾപ്പെടെയുള്ളവരായിരുന്നു മൃതര്.
ഹണിമൂണിനായി എത്തിയ ഹിമാന്ഷി നര്വാളിന്റെ ഭര്ത്താവായ നേവി ഓഫീസർ ലെഫ്റ്റനന്റ് വിനയ് നര്വാളിന്റെ മൃതദേഹത്തിനടുത്ത് നില്ക്കുന്ന ചിത്രം രാജ്യത്തെ വേദനിപ്പിച്ചു. ലഷ്കറെ തയിബയുടെ അനുയായികളായ ദ് റെസിസ്റ്റൻസ് ഫ്രണ്ട് ആണ് ആക്രമണത്തിനു പിന്നിൽ.
സുലൈമാന് (ഹാഷിം മൂസ), അഫ്ഗാനി, ജിബ്രാന് എന്നീ മൂന്ന് ഭീകരരെ കഴിഞ്ഞ ജൂലൈയില് ഇന്ത്യൻ സൈന്യം നശിപ്പിച്ചു. ഭീകരരെ സഹായിച്ച രണ്ട് തദ്ദേശീയരെ പോലീസ് അറസ്റ്റ് ചെയ്തു. സംഭവത്തെത്തുടർന്ന് 44 വിനോദസഞ്ചാര കേന്ദ്രങ്ങൾ അടച്ചു. ബൈസരന് ഇപ്പോഴും അടഞ്ഞുകിടക്കുന്നു. പാകിസ്ഥാനുമായി വിച്ഛേദിച്ച നയതന്ത്രബന്ധം പുനഃസ്ഥാപിച്ചിട്ടില്ല.
Photo and News Source: Samakalika Malayalam
