ഗാന്ധിനഗറിൽ, രാജ്യവിരുദ്ധ ഗൂഢാലോചനയിൽ പങ്കാളികളായ രണ്ട് തീവ്രവാദികളെ ഗുജറാത്ത് എടിഎസ് അറസ്റ്റ് ചെയ്തു. ‘ഗസ്വ-ഇ-ഹിന്ദ്’ എന്ന പേരിലായിരുന്നു പ്രവർത്തനം. സോഷ്യൽ മീഡിയയിലൂടെ തീവ്രവാദ ആശയങ്ങൾ പ്രചരിപ്പിക്കുകയും യുവാക്കളെ റിക്രൂട്ട് ചെയ്യുകയും ചെയ്തവരാണ് ഇവർ.
പ്രമുഖ രാഷ്ട്രീയ നേതാക്കളെയും ആർഎസ്എസ് പ്രമുഖരെയും ലക്ഷ്യമിട്ട് വധപരമ്പരകൾ നടത്താനായിരുന്നു പദ്ധതി. സിദ്ധ്പൂരിലെ ഇർഫാൻ കാലേഖാനും മുംബൈ സ്വദേശി മുര്ഷിദ് സാഹിദ് അക്തർ ഷെയ്ഖും പിടിയിലായി. മഹാരാഷ്ട്ര പോലീസിന്റെ സഹായത്തോടെ മുംബൈയിൽ നിന്നായിരുന്നു മുര്ഷിദിനെ അറസ്റ്റ് ചെയ്തത്.
കോടതിയിൽ ഹാജരാക്കിയ പ്രതികളെ 11 ദിവസത്തെ പോലീസ് കസ്റ്റഡിയിലേക്ക് വിട്ടു. ഡിജിറ്റൽ ഉപകരണങ്ങളിൽ നിന്നും ലഭിച്ച വിവരങ്ങൾ ഗുരുതരമായിരുന്നു. ആർഡിഎക്സ് ഉൾപ്പെടെയുള്ള സ്ഫോടകവസ്തുക്കൾ തയ്യാറാക്കാനും ഉപയോഗിക്കാനുമുള്ള പദ്ധതികളായിരുന്നു ഇവർ തയ്യാറാക്കിയിരുന്നത്. പാകിസ്താൻ, അഫ്ഗാനിസ്ഥാൻ എന്നിവിടങ്ങളിലെ ഭീകര സംഘടനകളുമായി ബന്ധം സ്ഥാപിച്ചിരുന്ന ഇവർ, ആയുധങ്ങൾ ഇന്ത്യയിലേക്ക് എത്തിക്കാനും പ്രവർത്തനങ്ങൾക്ക് ഫണ്ട് ശേഖരിക്കാനുമുള്ള ശ്രമത്തിലായിരുന്നു.
Photo and News Source: Janam TV
