അമേരിക്കയിൽ താമസിക്കുന്ന പ്രവാസി യുവതി സൊണാലി പങ്കുവെച്ച സോഷ്യൾ മീഡിയ പോസ്റ്റിലൂടെയാണ് പ്രവാസികളുടെ തിരിച്ചുവരവില്ലായ്മയെക്കുറിച്ചുള്ള രഹസ്യം വെളിപ്പെടുത്തുന്നത്.
അമേരിക്കയിലെ ശുദ്ധവായു, സമാധാനപൂർണ്ണമായ ജീവിതം, ഗുണനിലവാരമുള്ള ഭക്ഷണവും വെള്ളവും, ജനങ്ങളുടെ അച്ചടക്കമുള്ള പെരുമാറ്റം എന്നിവയാണ് അവിടെത്തന്നെ തുടരാൻ പ്രേരിപ്പിക്കുന്ന പ്രധാന ഘടകങ്ങളെന്ന് സൊണാലി വ്യക്തമാക്കുന്നു.
ഇന്ത്യയിലെ തിരക്കേറിയ ജീവിതരീതിയെ അപേക്ഷിച്ച് അമേരിക്കയിലെ സമാധാനപൂർണ്ണമായ അന്തരീക്ഷം കൂടുതൽ ആകർഷകമാകുന്നു. ഒരിക്കൽ ഈ ജീവിതശൈലിയുമായി പൊരുത്തപ്പെടുമ്പോൾ, വീണ്ടും തിരിച്ചെത്തുന്നത് പ്രയാസകരമാകുന്നുവെന്നാണ് അവരുടെ വാദം.
‘ഒരിക്കൽ പോയാൽ തിരികെ വരില്ല’ എന്ന ചോദ്യത്തിന് മറുപടിയായി സൊണാലി പറയുന്നു, അമേരിക്കയിലെ ജീവിതം ഇന്ത്യയിലേതുമായി താരതമ്യപ്പെടുത്തുമ്പോൾ വളരെ മെച്ചപ്പെട്ടതാണെന്നും, പണം സമ്പാദിക്കുക എന്നത് അത്ര എളുപ്പമല്ലെന്നും ഓർമ്മിപ്പിക്കുന്നു.
വർഷങ്ങളുടെ കഠിനാധ്വാനത്തിനുശേഷം മാത്രമേ അവിടെ സ്വസ്ഥത കണ്ടെത്താനാകൂ എന്നാണ് അവരുടെ വീഡിയോയിൽ പറയുന്നത്.
Photo and News Source: Kvartha
