ബഹ്റൈനിലെ പ്രമുഖ നിർമ്മാണ കമ്പനിയായ ഇന്റർലോക്ക് മെയിന്റനൻസ് കൺസ്ട്രക്ഷൻ, അധാരി ഗാർഡനിൽ വെച്ച് തങ്ങളുടെ ഒൻപതാമത് മെയ്ദിനാഘോഷം വിപുലമായി സംഘടിപ്പിച്ചു. ഏകദേശം 250-ഓളം തൊഴിലാളികളും ജീവനക്കാരും പങ്കെടുത്ത പരിപാടി, കമ്പനിയുടെ വളർച്ചയിൽ നിർണ്ണായക പങ്കുവഹിക്കുന്ന ജീവനക്കാരുടെ കഠിനാധ്വാനത്തെയും അർപ്പണബോധത്തെയും ആദരിക്കുന്നതിനാണ് സംഘടിപ്പിച്ചത്.
ദിവസം മുഴുവൻ നീണ്ടുനിന്ന ആഘോഷ പരിപാടികളിൽ സംഗീത വിരുന്നുകൾ, വിവിധ ഗെയിമുകൾ, നീന്തൽ മത്സരങ്ങൾ തുടങ്ങിയ വിനോദ പരിപാടികൾ ഉൾപ്പെടുത്തിയിരുന്നു. ജീവനക്കാരുടെ ആരോഗ്യക്ഷേമം മുൻനിർത്തി ആസ്റ്റർ മെഡ്സിറ്റിയുടെ സഹകരണത്തോടെ ഒരു മെഡിക്കൽ ക്യാമ്പും സംഘടിപ്പിച്ചു. കൂടാതെ, ജോലിസ്ഥലത്തെ സുരക്ഷാ മാനദണ്ഡങ്ങളെക്കുറിച്ച് തൊഴിലാളികൾക്ക് അവബോധം നൽകുന്നതിനായി പ്രത്യേക സുരക്ഷാ പരിശീലന ക്ലാസും നടത്തി.
ആഘോഷത്തിൽ പങ്കെടുത്ത എല്ലാവർക്കും പ്രഭാതഭക്ഷണം, ഉച്ചഭക്ഷണം, അത്താഴം എന്നിവ ഉൾപ്പെടെയുള്ള വിഭവസമൃദ്ധമായ ഭക്ഷണ ക്രമീകരണങ്ങളും ഒരുക്കിയിരുന്നു. കമ്പനിയുടെ വിജയത്തിന് നൽകുന്ന തുടർച്ചയായ പിന്തുണയ്ക്ക് മാനേജ്മെന്റ് എല്ലാ ജീവനക്കാർക്കും നന്ദി രേഖപ്പെടുത്തി. ജീവനക്കാരുടെ ക്ഷേമത്തിനും സുരക്ഷിതമായ തൊഴിൽ അന്തരീക്ഷം ഉറപ്പാക്കുന്നതിനും തങ്ങൾ പ്രതിജ്ഞാബദ്ധമാണെന്നും മാനേജ്മെന്റ് വ്യക്തമാക്കി.
Photo and News Source: Mathrubhumi
