കേരളത്തിലെ മുഖ്യമന്ത്രി സ്ഥാനത്തെ ചൊല്ലിയുള്ള ചർച്ചകൾ സജീവമാകുന്നതിനിടെ, ബിഗ് ബോസ് താരം നോറയുടെ പ്രതികരണം സോഷ്യൽ മീഡിയയിൽ ശ്രദ്ധേയമാകുന്നു. മുഖ്യമന്ത്രി ആരാകുമെന്ന കാര്യത്തിൽ വ്യക്തത വരുത്താൻ കഴിയാത്ത കോൺഗ്രസ് നേതൃത്വത്തെ രൂക്ഷമായ ഭാഷയിലാണ് നോറ വിമർശിച്ചത്. വി.ഡി. സതീശൻ, കെ.സി. വേണുഗോപാൽ, രമേശ് ചെന്നിത്തല തുടങ്ങിയ പേരുകൾ ഉയർന്നു കേൾക്കുന്നുണ്ടെങ്കിലും, അന്തിമ തീരുമാനമെടുക്കാൻ കഴിയാത്തത് കസേര കളി മാത്രമാണെന്ന് അവർ പരിഹസിച്ചു.
താൻ പിണറായി വിജയന്റെ ആളാണെന്ന് തുറന്നു പറഞ്ഞ നോറ, അദ്ദേഹം പ്രതിപക്ഷ നേതാവായി വരണമെന്നാണ് തന്റെ ആഗ്രഹമെന്നും വ്യക്തമാക്കി. പിണറായി സർക്കാരിന്റെ ഭരണനേട്ടങ്ങളെ എടുത്തുപറഞ്ഞ താരം, കോവിഡ് കാലത്തെ പ്രവർത്തനങ്ങളും കേന്ദ്രം അവഗണിച്ച പല കാര്യങ്ങളിലും അദ്ദേഹം കാണിച്ച ഇടപെടലുകളും എടുത്തുപറഞ്ഞു. പത്ത് വർഷം മുൻപുള്ള കേരളത്തിന്റെ അവസ്ഥയുമായി താരതമ്യം ചെയ്യുമ്പോൾ വലിയ മാറ്റങ്ങൾ വന്നിട്ടുണ്ടെന്നും നോറ അവകാശപ്പെട്ടു.
കോൺഗ്രസിനെ അനുകൂലിച്ചുള്ള അക്ബർ ഖാന്റെ പ്രതികരണത്തിന് മറുപടിയായി, ആദ്യം ഒരു മുഖ്യമന്ത്രിയെ കണ്ടെത്തൂ എന്ന് നോറ വെല്ലുവിളിച്ചു. ജനവിധി പിണറായി വിജയൻ പൂർണ്ണമായും അംഗീകരിച്ചിട്ടുണ്ടെന്നും, എന്നാൽ യുഡിഎഫ് ക്യാമ്പിൽ ഇപ്പോഴും കസേര കളി തുടരുകയാണെന്നും അവർ കുറ്റപ്പെടുത്തി. സ്വർണ്ണക്കടത്ത് അടക്കമുള്ള ആരോപണങ്ങളെ പാട്ടുകൾ കൊണ്ട് കെട്ടിച്ചമച്ചതാണെന്നും, അത് സത്യമല്ലെന്നും നോറ കൂട്ടിച്ചേർത്തു. ജനങ്ങൾ എല്ലാം കാണുന്നുണ്ടെന്നും, ജനവിധി മാനിക്കാൻ കോൺഗ്രസ് തയ്യാറാകണമെന്നും അവർ ഓർമ്മിപ്പിച്ചു.
Photo and News Source: Asianet News
