ചുണ്ടുകളുടെ ആരോഗ്യവും സൗന്ദര്യവും നിലനിർത്താൻ ലിപ് ബാം, ലിപ് മാസ്ക് എന്നിവയുടെ ഉപയോഗം വളരെ പ്രധാനമാണ്. എന്നാൽ ഇവ രണ്ടും തമ്മിലുള്ള വ്യത്യാസവും അവ എപ്പോൾ ഉപയോഗിക്കണം എന്നതിനെക്കുറിച്ചും പലർക്കും കൃത്യമായ ധാരണയില്ല. പകൽ സമയത്ത് ചുണ്ടുകൾക്ക് പെട്ടെന്നുള്ള ഈർപ്പം നൽകാനാണ് ലിപ് ബാം ഉപയോഗിക്കുന്നത്. ചുണ്ടുകൾക്ക് മുകളിൽ ഒരു സംരക്ഷണ പാളി തീർത്ത് ഈർപ്പം നഷ്ടപ്പെടാതെ കാക്കാൻ ലിപ് ബാം സഹായിക്കുന്നു.
മറുവശത്ത്, രാത്രികാലങ്ങളിൽ ചുണ്ടുകൾക്ക് ആഴത്തിലുള്ള പോഷണം നൽകാനാണ് ലിപ് മാസ്കുകൾ ഉപയോഗിക്കുന്നത്. ചുണ്ടുകൾ അമിതമായി വിണ്ടുകീറുന്ന പ്രശ്നമുള്ളവർ രാത്രി ഉറങ്ങുന്നതിന് മുൻപ് ലിപ് മാസ്ക് പുരട്ടുന്നത് മികച്ച ഫലം നൽകും. ലിപ് ബാമുകളെ അപേക്ഷിച്ച് കട്ടി കൂടിയതും കൂടുതൽ നേരം ചുണ്ടുകളിൽ നിലനിൽക്കുന്നതുമാണ് ലിപ് മാസ്കുകൾ.
ലിപ് മാസ്കുകളിൽ ഹയലൂറോണിക് ആസിഡ്, സെറാമൈഡുകൾ തുടങ്ങിയ വീര്യമേറിയ ഘടകങ്ങൾ അടങ്ങിയിട്ടുള്ളതിനാൽ അവ ചുണ്ടുകളെ മൃദുവാക്കാൻ സഹായിക്കുന്നു. ലിപ് മാസ്ക് ഉപയോഗിക്കുന്നതിന് മുൻപ് ചുണ്ടുകൾ മൃദുവായി സ്ക്രബ്ബ് ചെയ്യുന്നത് നിർജ്ജീവ കോശങ്ങളെ നീക്കം ചെയ്യാൻ സഹായിക്കും. പകൽ സമയത്ത് ലിപ് ബാമും രാത്രിയിൽ ലിപ് മാസ്കും ഉപയോഗിക്കുന്നത് വഴി ചുണ്ടുകളുടെ സ്വാഭാവിക തിളക്കം നിലനിർത്താൻ സാധിക്കും.
Photo and News Source: Asianet News
