തമിഴ് സിനിമാ രംഗത്ത് ഏറെ പ്രതീക്ഷയോടെ കാത്തിരുന്ന ചിത്രം *കര*യുടെ ട്രെയിലർ പുറത്തിറങ്ങി. ദേശീയ അവാർഡ് ജേതാവായ ധനുഷ് മുഖ്യവേഷത്തിൽ എത്തുന്ന ഈ ചിത്രം സംവിധാനം ചെയ്യുന്നത് വിഗ്നേഷ് രാജയാണ്. രഹസ്യസ്വഭാവമുള്ള കള്ളനായി ധനുഷ് അവതരിപ്പിക്കുന്ന കഥാപാത്രം ട്രെയിലറിലെ പ്രധാന ആകർഷണമാണ്.
ക്രൈം ഡ്രാമായാണ് ചിത്രം പ്രത്യക്ഷപ്പെടുന്നത്. കുറ്റകൃത്യങ്ങൾ, പിന്തുടർച്ചകൾ, സസ്പെൻസ് എന്നിവ നിറഞ്ഞ ഈ ചിത്രം ഏപ്രിൽ 30-ന് തിയേറ്ററുകളിൽ എത്തും. ചെന്നൈയിൽ നടന്ന ഗ്രാൻഡ് ലോഞ്ച് ഇവന്റിൽ ട്രെയിലർ പുറത്തിറങ്ങിയതോടെ സിനിമയോടുള്ള പ്രതീക്ഷ വർദ്ധിച്ചു.
ധനുഷിനൊപ്പം മലയാളത്തിൽ നിന്നും മമിത ബൈജു, ജയറാം, സുരാജ് വെഞ്ഞാറമൂട്, ശ്രീജാ രവി എന്നിവർ പ്രധാന വേഷങ്ങളിൽ എത്തുന്നു. കെ.എസ്. രവികുമാർ, കരുണാസ്, പൃത്വി പണ്ഡ്യരാജൻ തുടങ്ങിയവരും ചിത്രത്തിലുണ്ട്. വേൽസ് ഫിലിം ഇന്റർനാഷണൽ നിർമ്മിക്കുന്ന ഈ ചിത്രത്തിന്റെ നിർമ്മാതാക്കൾ ഡോ. ഇഷാരി കെ. ഗണേഷും സഹ നിർമ്മാണം കുഷ്മിത ഗണേഷുമാണ്.
സെൻസറിങ് കഴിഞ്ഞ ചിത്രത്തിന് യു എ സർട്ടിഫിക്കറ്റ് ലഭിച്ചു. രചന: ആൽഫ്രഡ് പ്രകാശ്, വിഗ്നേഷ് രാജ; സംഗീതം: ജി.വി. പ്രകാശ് കുമാർ; ഛായാഗ്രഹണം: തേനി ഈശ്വർ; എഡിറ്റിംഗ്: ശ്രീജിത് സാരംഗ്; ആർട്ട് ഡയറക്ഷൻ: മായപാണ്ടി; ആക്ഷൻ ഡയറക്ടർ: ദിനേഷ് കാസി; കോസ്റ്റ്യൂം ഡിസൈൻ: ദിനേഷ് മനോഹരൻ, കാവ്യാ ശ്രീറാം; മേക്കപ്പ്: ബി രാജ, റോണക്സ് സേവ്യർ; സൗണ്ട് ഡിസൈൻ: സച്ചിൻ സുധാകരൻ, ഹരിഹരൻ എം; സൗണ്ട് മിക്സിംഗ്: ഹരിഹരൻ എം.
Photo and News Source: Janmabhumi
