കേന്ദ്ര സർക്കാരിന്റെ 2027 സെൻസസ് വെബ്സൈറ്റിലെ ഭൂപടത്തിൽ അരുണാചൽ പ്രദേശിലെ പാസിഘട്ട് നഗരം ചൈനയുടെ ഭാഗമായി കാണിച്ചത് വൻ വിവാദമുണ്ടാക്കി. റിട്ടയേർഡ് ഗ്രൂപ്പ് ക്യാപ്റ്റൻ മോഹന്തോ പാംഗിംഗ് പാഓയാണ് ഈ പിഴവ് ആദ്യം ചൂണ്ടിക്കാട്ടിയത്. തന്റെ ലൊക്കേഷൻ പാസിഘട്ടിന് പകരം ചൈനയിലെ 'മെഡോഗ്' എന്ന് കാണിക്കുന്നതായി അദ്ദേഹം സോഷ്യൽ മീഡിയയിൽ പരാതിപ്പെട്ടു. തുടർന്നുണ്ടായ വാർത്താലാപത്തിനെത്തുടർന്ന് രജിസ്ട്രാർ ജനറൽ ഓഫ് ഇന്ത്യയും സെൻസസ് കമ്മീഷണറും ഉടൻ ഇടപെട്ടു.
ഭൂപട സേവനം നൽകുന്ന കമ്പനിയുമായി ബന്ധപ്പെട്ട് മണിക്കൂറുകൾക്കുള്ളിൽ പിഴവ് തിരുത്തിയതായി അധികൃതർ സ്ഥിരീകരിച്ചു. 2027-ലെ ആദ്യ ഡിജിറ്റൽ സെൻസസ് നടപടികളുടെ ഭാഗമായി ഏപ്രിൽ 16 മുതൽ ഹൗസ് ലിസ്റ്റിംഗ് ആരംഭിച്ചിട്ടുണ്ട്. സാങ്കേതിക തകരാറാണ് പിഴവിന് കാരണമെന്നാണ് വിശദീകരണം. പിഴവ് തിരുത്തിയതോടെ സൈബർ ലോകത്തും രാഷ്ട്രീയ വൃത്തങ്ങളിലും ചർച്ചയായി മാറി ഈ സംഭവം.
Photo and News Source: Kerala Online News
