കൊച്ചിയിൽ വൈറ്റ് കോളർ ഡ്രഗ് പാർട്ടി കേസുമായി ബന്ധപ്പെട്ട് കെവിൻ എന്നയാളെ പോലീസ് അറസ്റ്റ് ചെയ്തു. ലഹരിക്കച്ചവടത്തിന്റെ പിന്നിലെ പ്രധാനിയായ കെവിനെക്കുറിച്ച് അന്വേഷണ സംഘം പ്രസ്താവിച്ചു. പെൺകുട്ടികളെ ഉപയോഗിച്ച് ലഹരി ഇടപാടുകൾ നടത്തിയെന്നാണ് സംശയം. സിനിമാ അവസരങ്ങൾ വാഗ്ദാനം ചെയ്താണ് ഇവരെ ലഹരി ഇടപാടുകളിലേക്ക് വലിച്ചിഴച്ചതെന്നും അന്വേഷണ സംഘം കണ്ടെത്തി.
കേസിലെ മുഖ്യ ലഹരി വിതരണക്കാരനായ കെവിനെ കൂടുതൽ ചോദ്യം ചെയ്യാനായി പോലീസ് കസ്റ്റഡിയില് വാങ്ങാന് തയ്യാറായി. കഴിഞ്ഞ ഒരു വർഷത്തിനിടെ ഏകദേശം 22 ലക്ഷം രൂപയുടെ ലഹരി ഇടപാടുകൾ നടത്തിയെന്ന് അന്വേഷണത്തിൽ വ്യക്തമായി. രണ്ട് ദിവസം മുമ്പ് തൃക്കാക്കരയിലെ ഒരു അപ്പാർട്ട്മെന്റിൽ നിന്നാണ് കെവിനെ പിടികൂടിയത്. 194 ഗ്രാം എംഡിഎമ്മയും 90 ഗ്രാം എക്സ്റ്റസി ഗുളികകളും പോലീസ് കൈവശം പിടിച്ചെടുത്തു.
മുമ്പ് കൊച്ചിയിലെ ഒരു ആഡംബര ഹോട്ടലിൽ നിന്നും ഡോക്ടർ, അഭിഭാഷകൻ, ഇവന്റ് മാനേജർ എന്നിവരടങ്ങിയ സംഘം ലഹരിയുമായി പിടിയിലായ സംഭവമാണ് അന്വേഷണത്തിന് വഴിത്തിരിവായത്. ഇവർക്ക് ലഹരി എത്തിച്ച ഷോണ് വഴി നടത്തിയ അന്വേഷണത്തിലാണ് പോലീസ് കെവിനിലേക്കെത്തിയത്. ഒരു വർഷം മുമ്പും സമാന കേസിൽ പിടിയിലായിരുന്ന കെവിൻ സ്ത്രീകളെ ഉപയോഗിച്ചാണ് ലഹരിക്കച്ചവടം നടത്തിയെന്നാണ് പോലീസിന്റെ സംശയം. കേസിൽ കൂടുതൽ ആളുകളുടെ പങ്കാളിത്തമുണ്ടോയെന്ന് കണ്ടെത്താന് അന്വേഷണം തുടരുന്നു.
Photo and News Source: Siraj Live
