നടി സീമ ജി. നായർ എ.ഡി. തോമസിന്റെ വിജയത്തെ കുറിച്ച് പങ്കുവെച്ച കുറിപ്പ് ശ്രദ്ധ നേടുന്നു. മുൻപ് നവകേരള സദസ്സിനെതിരെ പ്രതിഷേധിച്ചപ്പോൾ സുരക്ഷാ ഉദ്യോഗസ്ഥരുടെ മർദ്ദനമേറ്റ തോമസ് ഇപ്പോൾ എംഎൽഎ ആയതിനെ 'കാലത്തിൻ്റെ കാവ്യനീതി' എന്ന് അവർ വിശേഷിപ്പിച്ചു. ആലപ്പുഴയിൽ നിന്നുള്ള എംഎൽഎ ആയി തെരഞ്ഞെടുക്കപ്പെട്ട എ.ഡി. തോമസിന്റെ വിജയത്തെ പ്രകീർത്തിച്ച് നടി സീമ ജി. നായർ പറഞ്ഞ കാര്യങ്ങൾ ഇപ്പോൾ വൈറലാകുന്നു.
കേരളത്തിൽ ബഹുഭൂരിപക്ഷത്തിൽ കോൺഗ്രസ് അധികാരത്തിലേറിയിരിക്കുകയാണ്. ആരാകും മുഖ്യമന്ത്രി എന്നറിയാനുള്ള കാത്തിരിപ്പിലാണ് ജനങ്ങൾ. ഇപ്പോഴത്തെ ആലപ്പുഴയിലെ നിയൂക്ത എംഎൽഎ ആയി തെരഞ്ഞെടുക്കപ്പെട്ട എ.ഡി. തോമസിനെ കുറിച്ച് നടി സീമ ജി. നായർ പറഞ്ഞ കാര്യങ്ങൾ ശ്രദ്ധ നേടുന്നു. നവകേരള യാത്രയ്ക്കിടെ പിണറായി വിജയന്റെ കാറിന് നേരെ പ്രതിഷേധിച്ചതിന്റെ പേരിൽ അംഗരക്ഷകരുടെ മർദ്ദനമേറ്റ ആളായിരുന്നു തോമസ്. അദ്ദേഹത്തിന്റെ വിജയത്തെ പ്രകീർത്തിച്ച് നടി സീമയുടെ വാക്കുകൾ ഇങ്ങനെ: 'ശുഭദിനം.. ഇത് ആലപ്പുഴയുടെ എംഎല്എ A.D.തോമസ്.. ഇത്തവണ നടന്ന തെരെഞ്ഞെടുപ്പിൽ ആലപ്പുഴയിലെ, അല്ല കേരളത്തിലെ തന്നെ ശക്തനായ നേതാവിനെ നേരിട്ട വ്യക്തി..'
സീമ ജി. നായർ പറയുന്നു: '21000 വോട്ടുകൾ നേടി വമ്പിച്ച ഭൂരിപക്ഷത്തിൽ ജയിക്കുമ്പോൾ, എന്നെ പോലുള്ളവരുടെ സംശയത്തിന് കഴമ്പില്ല എന്ന് മനസിലായി.' കഴിഞ്ഞ മന്ത്രിസഭ നടത്തിയ നവകേരള സദസ്സിനെതിരെ കേരളത്തിലെ പ്രതിപക്ഷ സംഘടനകൾ നടത്തിയ പ്രതിഷേധ സമരത്തിൽ ആലപ്പുഴ ജില്ലയിലെ സമരത്തിൽ മുന്നിൽ നിന്നത് തോമസ് ആയിരുന്നു. അന്ന് നവകേരള ബസിനു നേരെ കരിങ്കോടി കാണിക്കുകയും, പ്രതിക്ഷേധിക്കുകയും ചെയ്തു. ബസ് പോയതിനു ശേഷം പുറകെ വന്ന വാഹനത്തിൽ നിന്നും മുഖ്യമന്ത്രിയുടെ അംഗരക്ഷകർ എന്ന് പറയുന്ന കറുത്ത ഡ്രസ്സ് ഇട്ട പോലീസ് ഉദ്യോഗസ്ഥർ ചാടിയിറങ്ങി വന്ന് തോമസിനെയും മറ്റു പ്രവർത്തകരെയും തല്ലി ചതച്ചു. വലിയ വടികൊണ്ടുള്ള അടിയിൽ തോമസിന്റെ തല പൊട്ടി ചോരയൊഴുകി.
'അന്ന് മാധ്യമങ്ങളിൽ വന്ന തോമസിന്റെ മുഖവും, അടിച്ചു ചതച്ച അംഗരക്ഷകരുടെ മുഖവും മറന്നിട്ടില്ല. ഇന്ന് എഡി തോമസ് ആലപ്പുഴയുടെ എംഎല്എ ആണ്. പ്രോട്ടോകോൾ പ്രകാരം ചീഫ് സെക്രട്ടറിയുടെ മുകളിൽ ആണ് എംഎല്എയുടെ സ്ഥാനം. അന്ന് തല്ലി ചതച്ചവർ ഇവിടെ ഉണ്ടെങ്കിൽ തോമസിനെ കാണുമ്പോൾ സല്യൂട്ട് അടയ്ക്കേണ്ടി വരും. ഒരു സല്യൂട്ടിൽ കാലത്തിന്റെ കാവ്യ നീതി അവസാനിക്കാൻ സാധ്യത ഇല്ല. കാലം ഒന്നും കണക്ക് ചോദിക്കാതെ പോയിട്ടുമില്ല. എഡി തോമസ് എംഎല്എയ്ക്ക് ഹൃദയം നിറഞ്ഞ ആശംസകൾ.'
Asianet News Malayalam-ന്റെ വാർത്താ പ്ലാറ്റ്ഫോമിൽ നിന്ന് Malayalam OTT റിലീസ്, Bigg Boss Malayalam Season 7, Mollywood Celebrity News, Exclusive Interview എന്നിവയുൾപ്പെടെ എല്ലാ എന്റർടൈൻമെന്റ് വാർത്തകളും ലഭ്യമാണ്. Movie Release, Malayalam Movie Review, Box Office Collection എന്നിവയും ഉൾപ്പെടുന്നു.
Photo and News Source: Asianet News
