ന്യൂഡൽഹി: ലോക്സഭ പ്രതിപക്ഷ നേതാവ് രാഹുൽ ഗാന്ധിയുടെ ഇരട്ട പൗരത്വം സംബന്ധിച്ച ആരോപണത്തെക്കുറിച്ച് അന്വേഷണം നടത്താൻ അലഹബാദ് ഹൈക്കോടതിയുടെ ലഖ്നൗ ബെഞ്ച് ഉത്തർപ്രദേശ് സർക്കാരിനോട് നിർദ്ദേശിച്ചു. ബിജെപി പ്രവർത്തകൻ എസ് വിഘ്നേഷ് ശിശിർ സമർപ്പിച്ച ഹർജിയിലാണ് ഈ ഉത്തരവ്. കോടതി, കേസിൽ കേന്ദ്ര സർക്കാരിനെ ഒരു കക്ഷിയാക്കാനും ആവശ്യപ്പെട്ടു.
വ്യാഴാഴ്ച വാദം ആരംഭിച്ചപ്പോൾ, കേന്ദ്ര സർക്കാരിന്റെ രഹസ്യ രേഖകൾ തുറന്ന കോടതിയിൽ ചർച്ച ചെയ്യരുതെന്ന് മുതിർന്ന അഭിഭാഷകൻ എസ്.ബി. പാണ്ഡെ അഭ്യർത്ഥിച്ചു. ഇരുഭാഗത്തിന്റെയും വാദം കേട്ട ശേഷം, ആഭ്യന്തര മന്ത്രാലയത്തിന്റെ രേഖകളുമായി അണ്ടർ സെക്രട്ടറി വിവേക് മിശ്രയും അസിസ്റ്റന്റ് സെക്ഷൻ ഓഫീസർ പ്രണവ് റായിയും കോടതിയിൽ ഹാജരാകണമെന്ന് ഉത്തരവായി.
രേഖകൾ പരിശോധിച്ച ശേഷം, കേസിൽ കേന്ദ്ര സർക്കാരിനെ കക്ഷിയാക്കാൻ ഹർജിക്കാരന് അനുമതി ലഭിച്ചു. രാഹുൽ ഗാന്ധിക്കെതിരെ എഫ്.ഐ.ആർ രജിസ്റ്റർ ചെയ്യണമെന്ന ഹർജി ലഖ്നൗവിലെ പ്രത്യേക കോടതി നിരസിച്ചതിനെ ചോദ്യം ചെയ്ത് കർണാടക ബിജെപി പ്രവർത്തകൻ ഹർജി സമർപ്പിച്ചു. രാഹുൽ ഗാന്ധിക്ക് ബ്രിട്ടീഷ് പൗരത്വമുണ്ടെന്ന ആരോപണവുമായി ബന്ധപ്പെട്ടു.
Photo and News Source: Media Mangalam
