കൊഴുവനാലിൽ വിഷു ചന്തയ്ക്ക് തുടക്കം കുറിക്കപ്പെട്ടു. സി.ഡി.എസ് കുടുംബശ്രീയുടെ നേതൃത്വത്തിൽ സംഘടിപ്പിച്ച ഈ ചന്തയുടെ ഉദ്ഘാടനം പഞ്ചായത്ത് പ്രസിഡന്റ് ജോസി ജോസഫ് പൊയ്കയിൽ നിർവഹിച്ചു.
സി.ഡി.എസ് ചെയർപേഴ്സൺ ശാലിനിമോൾ എൻ.എസ്. അദ്ധ്യക്ഷത വഹിച്ച യോഗത്തിൽ, പഞ്ചായത്ത് വൈസ് പ്രസിഡന്റ് ആലീസ് ജോയി മറ്റം, സമിതി അദ്ധ്യക്ഷർ ഷാജി മാത്യു, ഷീനാ രാജേഷ്, ജോയി മാത്യു എന്നിവർ സംബന്ധിച്ചു.
വിഷരഹിത പച്ചക്കറികൾ, വീട്ടിൽ തയ്യാറാക്കുന്ന അച്ചാറുകൾ, വിവിധ പലഹാരങ്ങൾ, പായസം, കുടുംബശ്രീ ഉൽപന്നങ്ങൾ എന്നിവ ചന്തയിൽ പ്രദർശിപ്പിച്ചിരുന്നു. നാളെ ചന്ത സമാപിക്കുമെന്ന് പ്രഖ്യാപിച്ചു.
Photo and News Source: Sathyam Online
