തിരുവനന്തപുരം: സംസ്ഥാനത്ത് നിലവിൽ കനത്ത ചൂട് റിപ്പോർട്ട് ചെയ്യപ്പെടുന്നു. രാവിലെ 11 മണി മുതൽ വൈകുന്നേരം 3 മണി വരെ സമയത്ത് ഉയർന്ന അൾട്രാവയലറ്റ് സൂചിക രേഖപ്പെടുത്തുന്നു. ഈ സമയത്ത് നേരിട്ട് സൂര്യപ്രകാശം ഏൽക്കുന്നത് ഒഴിവാക്കാൻ ആരോഗ്യവകുപ്പ് നിർദ്ദേശിക്കുന്നു.
സൂര്യാഘാതം, സൂര്യാതപം എന്നിവയുൾപ്പെടെ നിരവധി ആരോഗ്യപ്രശ്നങ്ങൾ ഉണ്ടാകാനിടയുണ്ട്. പ്രായമായവർ, ഗർഭിണികൾ, ഗുരുതര രോഗമുള്ളവർ എന്നിവർ പ്രത്യേകം ശ്രദ്ധിക്കണം. നേരിട്ട് വെയിലിൽ ജോലി ചെയ്യുന്നവർ പ്രഭാത, വൈകുന്നേര സമയങ്ങളിലേക്ക് ജോലി ക്രമീകരിക്കണം.
ചൂടുമായി ബന്ധപ്പെട്ട ആരോഗ്യപ്രശ്നങ്ങൾ നേരിടുന്നവർക്ക് എല്ലാ പ്രധാന ആശുപത്രികളിലും പ്രത്യേക ഹീറ്റ് സ്ട്രോക്ക് ക്ലിനിക്കുകൾ പ്രവർത്തിക്കുന്നു. ഹീറ്റ് ഹെൽത്ത് ആക്ഷൻ പ്ലാൻ പ്രകാരം കൂളിംഗ് ഉപകരണങ്ങളും മരുന്നുകളും ലഭ്യമാക്കിയിട്ടുണ്ട്. അൾട്രാവയലറ്റ് രശ്മികൾ ചർമ്മ, നേത്ര സംബന്ധമായ പ്രശ്നങ്ങൾക്കും കാരണമാകുന്നു. കോശനശീകരണം മൂലം രോഗങ്ങൾക്കും കാൻസറിനും ഇടയാക്കാം.
Photo and News Source: Janam TV
