ലൈഫ് ഇൻഷുറൻസ് കോർപറേഷൻ ഓഫ് ഇന്ത്യ (എൽ.ഐ.സി.) ചരിത്രത്തിൽ ആദ്യമായി ഓഹരി ഉടമകൾക്ക് ബോണസ് ഇഷ്യൂ പ്രഖ്യാപിച്ചു. 1:1 അനുപാതത്തിൽ ബോണസ് ഷെയർ വിതരണം ചെയ്യും. അതായത് ഓരോ ഓഹരിക്കും ഒരെണ്ണം കൂടി ലഭിക്കും. 22 ലക്ഷത്തോളം ഓഹരി ഉടമകൾക്ക് ഈ ഗുണഫലം ലഭിക്കും.
ഡയറക്ടർ ബോർഡ് യോഗത്തിലാണ് ഈ തീരുമാനം സ്വീകരിച്ചത്. ബോണസ് ഇഷ്യൂ എന്നത് കമ്പനികൾ പണമായി ലാഭവിഹിതം നൽകാൻ കഴിയാത്തപ്പോൾ ഓഹരികൾ സൗജന്യമായി വിതരണം ചെയ്യുന്ന ഒരു നടപടിയാണ്. ഇത് ഓഹരിയുടെ ലിക്വിഡിറ്റി വർധിപ്പിക്കാനും ഉപയോഗിക്കുന്നു.
എൽ.ഐ.സി.യുടെ ബോണസ് ഷെയർ 2026 ജൂൺ 12-നകം വിതരണം ചെയ്യും. റെക്കോഡ് തീയതി പിന്നീട് പ്രഖ്യാപിക്കും. കമ്പനിയുടെ ധനശേഖരത്തിൽ നിന്നും 6,325 കോടി രൂപ ഈ ഇഷ്യൂയ്ക്കായി വിനിയോഗിക്കും. 2022 മേയ് മാസത്തിൽ സ്റ്റോക്ക് എക്സ്ചേഞ്ചുകളിൽ ലിസ്റ്റ് ചെയ്ത എൽ.ഐ.സി.യ്ക്ക് ഇത് ഒരു പ്രധാന നാഴികക്കല്ലാണ്.
Photo and News Source: Media Mangalam
