എലോൺ മസ്കിന്റെ സ്പേസ് എക്സ്, ഫാൽക്കൺ ഹെവി റോക്കറ്റിലൂടെ വിയാസാറ്റ്-3 F3 ഉപഗ്രഹത്തെ വിക്ഷേപിക്കാനായി തയ്യാറെടുക്കുന്നു. ഫ്ലോറിഡയിലെ നാസയുടെ കെന്നഡി സ്പേസ് സെന്ററിൽ നിന്നാണ് ഏപ്രിൽ 27-ന് രാവിലെ 10:21 ET-ന് (ഇന്ത്യൻ സമയം രാത്രി 8:00) വിക്ഷേപണം നടക്കുക. കാലാവസ്ഥാ പ്രശ്നങ്ങൾ ഉണ്ടെങ്കിൽ ഏപ്രിൽ 28-ന് ബാക്കപ്പ് വിക്ഷേപണവും നടത്തും. സ്പേസ് എക്സിന്റെ വെബ്സൈറ്റിലും X പ്ലാറ്റ്ഫോമിലുമായി തത്സമയ സംപ്രേക്ഷണം ലഭ്യമാകും.
ഫാൽക്കൺ ഹെവി, മൂന്ന് ഫാൽക്കൺ 9 ബൂസ്റ്ററുകൾ ചേർന്നുള്ള ലോകത്തിലെ ഏറ്റവും ശക്തിയേറിയ റോക്കറ്റുകളിലൊന്നാണ്. 50 ലക്ഷം പൗണ്ട് ത്രസ്റ്റ് ഉത്പാദിപ്പിക്കാൻ കഴിവുള്ള ഈ റോക്കറ്റ്, വലിയ ഉപഗ്രഹങ്ങളെയും ഭൂസ്ഥിര ഭ്രമണപഥത്തിലേക്ക് എത്തിക്കും. വിക്ഷേപണശേഷം, രണ്ട് സൈഡ് ബൂസ്റ്ററുകൾ ഭൂമിയിലേക്ക് തിരിച്ചിറക്കി പുനരുപയോഗിക്കും. കേപ് കനാവറലിലെ ലാൻഡിംഗ് സോണുകളിൽ ഒരേസമയം ബൂസ്റ്ററുകൾ ഇറങ്ങുന്നതാണ് ഫാൽക്കൺ ഹെവിയുടെ പ്രത്യേകത.
വിയാസാറ്റ്-3 F3 ഉപഗ്രഹം, അമേരിക്ക, യൂറോപ്പ്, ആഫ്രിക്ക എന്നിവിടങ്ങളിൽ അതിവേഗ ബ്രോഡ്ബാൻഡ് ഇന്റർനെറ്റ് സേവനം വ്യാപിപ്പിക്കാനാണ് ലക്ഷ്യമിടുന്നത്. പ്രത്യേകിച്ച് ഇന്റർനെറ്റ് സൗകര്യമില്ലാത്ത വിദൂര പ്രദേശങ്ങളിലും ഉയർന്ന കണക്റ്റിവിറ്റി ഉറപ്പാക്കും. 2024 ഒക്ടോബറിന് ശേഷം ഈ ദൗത്യം പ്രാവർത്തികമാകും.
Photo and News Source: Malayalam Express
