മാധ്യമരംഗത്തെ സാഹസികതയും സമ്മർദവും ചർച്ച ചെയ്യുന്ന പുസ്തകമാണ് ‘മാപ്ര സ്റ്റോറീസ്’. മാധ്യമപ്രവർത്തകൻ ഇ.വി. ഉണ്ണികൃഷ്ണൻ രചിച്ച ഈ പുസ്തകം വെറുമൊരു ഓർമക്കുറിപ്പല്ല. വാർത്താമുറികളിലെ വിപ്ലവകരമായ മാറ്റങ്ങളെയും റിപ്പോർട്ടിംഗിലെ അപകടസാഹസികതകളെയും ഇതിൽ ആവിഷ്കരിച്ചിരിക്കുന്നു.
‘മാപ്ര’ എന്ന പരിഹാസപ്പേരിലൂടെ മാധ്യമപ്രവർത്തകരുടെ സാമൂഹിക വിചാരണകളെ ഈ പുസ്തകം ധീരമായി അഭിമുഖീകരിക്കുന്നു. സമൂഹത്തിന്റെ വിമർശനങ്ങൾക്കപ്പുറം, പട്ടിണിയും ഉറക്കമില്ലായ്മയും മറികടന്ന് വാർത്തക്കായി ഓടുന്ന മാധ്യമപ്രവർത്തകരുടെ ആത്മസംഘർഷങ്ങളാണ് ഇതിന്റെ ഉള്ളടക്കം.
മംഗളൂരു വിമാനദുരന്തം ആദ്യം റിപ്പോർട്ട് ചെയ്ത ഉണ്ണികൃഷ്ണന്റെ അനുഭവങ്ങൾ പുസ്തകത്തിന് ഗൗരവം നൽകുന്നു. വിറയ്ക്കുന്ന കൈകളോടെ ദൃശ്യങ്ങൾ പകർത്തുമ്പോഴും വാർത്താധർമ്മം മുറുകെ പിടിക്കുന്ന റിപ്പോർട്ടറുടെ മനസ്സ് ഇതിൽ തൊട്ടറിയാം. വാർത്താചാനലുകളുടെ കടുത്ത മത്സരവും ക്രൂരതയും പല ഭാഗങ്ങളിലും വെളിപ്പെടുന്നു.
Photo and News Source: Siraj Live
