ന്യൂഡൽഹി: ബിജെപിയുടെ തുടർച്ചയായ വിജയങ്ങളുടെ രഹസ്യം അതിന്റെ തന്ത്രപരമായ തെരഞ്ഞെടുപ്പ് ശൈലിയിലാണ്. ബംഗാളിലും, തമിഴ്നാട്ടിലും, കേരളത്തിലും ബിജെപിയുടെ ശക്തി വർധിക്കുന്നതിന്റെ പിന്നിൽ പ്രവർത്തിക്കുന്നത് അമിത് മാളവ്യയാണ്. പ്രശസ്തിയെ വെറുക്കുന്ന അദ്ദേഹം, ബിജെപിയുടെ തിരഞ്ഞെടുപ്പ് തന്ത്രങ്ങൾ രൂപപ്പെടുത്തുന്നതിൽ മുഖ്യ പങ്ക് വഹിക്കുന്നു.
ബിജെപിയുടെ ഐടി സെല്ലിന്റെ നേതൃത്വത്തിലാണ് ഈ തന്ത്രങ്ങൾ രൂപപ്പെടുന്നത്. ഉന്നത നേതാക്കളും സംസ്ഥാന നേതാക്കളുമായി ചർച്ചകൾ നടത്തി തന്ത്രങ്ങൾ തയ്യാറാക്കുന്നു. കൊൽക്കത്തയിലെ ന്യൂ ടൗണിലുള്ള ഹോട്ടലുകളിലാണ് ഈ സെല്ലിന്റെ ഓഫീസുകൾ പ്രവർത്തിക്കുന്നത്. 2014-ൽ മോദിയുടെ പ്രധാനമന്ത്രി സ്ഥാനാരോഹണത്തിനു ശേഷം, സ്വകാര്യ ഏജൻസികളെ ആശ്രയിക്കുന്നത് കുറച്ച്, സ്വന്തം സംവിധാനത്തിലൂടെ തന്ത്രങ്ങൾ രൂപപ്പെടുത്താൻ ബിജെപി തീരുമാനിച്ചു.
പ്രധാനമന്ത്രി നരേന്ദ്ര മോദിയുടെ സന്ദർശനങ്ങളിലും, യോഗി ആദിത്യനാഥിന്റെ പ്രസംഗ സ്ഥലങ്ങളിലും ഈ സെല്ലിന്റെ നിർദ്ദേശങ്ങൾ സ്വാധീനം ചെലുത്തുന്നു. പ്രാദേശിക നേതാക്കളുടെ ആശയങ്ങളും ഉൾക്കൊള്ളുന്ന ഈ സംവിധാനം, ബിജെപിയുടെ പ്രവർത്തനത്തിന് പുതിയ ഉണർവ് നൽകുന്നു.
Photo and News Source: Janmabhumi
