തിരുവനന്തപുരം വട്ടിയൂർക്കാവ് പോലീസ് സ്റ്റേഷനിലേക്ക് നടത്തിയ പ്രകടനവും, പോലീസ് സേനയെ അധിക്ഷേപിക്കുന്ന മുദ്രാവാക്യങ്ങളും കാരണം മുൻ ഡിജിപിയും ബിജെപി സംസ്ഥാന വൈസ് പ്രസിഡന്റുമായ ആർ ശ്രീലേഖ ഉൾപ്പെടെ 20 പ്രതികൾക്ക് ഇന്ന് നോട്ടീസ് നൽകും.
ചോദ്യം ചെയ്യാനായി പോലീസ് സ്റ്റേഷനിൽ ഹാജരാകാൻ ആവശ്യപ്പെടുന്നതാണ് നോട്ടീസ്. നിയമവിരുദ്ധമായി സംഘം ചേരൽ, പോലീസ് ജോലി തടസ്സപ്പെടുത്തൽ എന്നീ കുറ്റങ്ങൾ ചുമത്തിയിരിക്കുന്നു. ആറ് മാസത്തിൽ താഴെ ശിക്ഷ ലഭിക്കാവുന്ന കുറ്റങ്ങളാണിവ.
കേസിൽ അറസ്റ്റ് ആവശ്യമില്ലെന്ന് പോലീസ് വ്യക്തമാക്കുന്നു. ആദ്യം ശ്രീലേഖയെ ഒഴിവാക്കിയാണ് കേസ് രജിസ്റ്റർ ചെയ്തത്. തുടർന്ന് പ്രതിഷേധം ഉയർന്നതിനെ തുടർന്ന് ശ്രീലേഖ ഉൾപ്പെടെ 20 പേരെ പ്രതികളാക്കി നെടുമങ്ങാട് കോടതിയിൽ പുതിയ റിപ്പോർട്ട് സമർപ്പിച്ചു.
Photo and News Source: Malayalam Express
