കൊളംബിയയിൽ മെയ് 31-ന് നടക്കുന്ന പ്രസിഡന്റ് തിരഞ്ഞെടുപ്പിൽ ഇടതുപക്ഷ സഖ്യം ഭരണത്തിൽ തുടരാനുള്ള സാധ്യതയെക്കുറിച്ച് പുതിയ സർവേ ഫലങ്ങൾ സൂചിപ്പിക്കുന്നു. ഗുസ്താവോ പെട്രോയുടെ അനുയായിയായ ഇവാൻ സെപെഡ 44.3% പിന്തുണയോടെ മുന്നിലാണ്. പെട്രോ നടപ്പാക്കിയ സാമൂഹിക പരിഷ്കാരങ്ങളും വലതുപക്ഷ വോട്ടുകളിലെ ഭിന്നതയും ഇതിന് കാരണമായി കണക്കാക്കുന്നു.
ബൊഗോട്ടയിൽ നടന്ന ഇൻവാർമർ അഭിപ്രായ സർവേയിൽ 44.3% പേർ സെപെഡയെ പിന്തുണച്ചു. ഫെബ്രുവരിയിലെ താരതമ്യത്തിൽ 7.2% വർദ്ധനവാണിത്. തൊട്ടുപിന്നിൽ ബിസിനസുകാരൻ അബെലാർഡോ ഡി ലാ എസ്പ്രിയല്ല (21.5%) , പാലോമ വലൻസിയ (19.8%) എന്നിവരാണ്. വലതുപക്ഷ വോട്ടുകൾ ഭിന്നിക്കുന്നത് സെപെഡയ്ക്ക് ഗുണകരമാകുന്നുവെന്ന് റിപ്പോർട്ട് പറയുന്നു.
രണ്ടാം ഘട്ട തിരഞ്ഞെടുപ്പിലും സെപെഡ മുന്നിലെത്തുമെന്ന് സർവേ പ്രവചിക്കുന്നു. 2022-ൽ ആദ്യമായി ഇടതുപക്ഷം അധികാരത്തിലെത്തിയതോടെ പെട്രോ നടപ്പാക്കിയ ദാരിദ്ര്യ നിർമ്മാർജ്ജനവും സാമൂഹിക പരിഷ്കാരങ്ങളും ഭരണത്തുടർച്ചയ്ക്ക് അവസരം നൽകി. 2026 മെയ് 31-നാണ് തിരഞ്ഞെടുപ്പ് നിശ്ചയിച്ചിരിക്കുന്നത്.
Photo and News Source: Asianet News
