ആലപ്പുഴ ക്രിക്കറ്റ് അസോസിയേഷന്റെ നേതൃത്വത്തിൽ നടന്ന പ്രഥമ എം. സുരേഷ് കുമാർ സ്മാരക അണ്ടർ-16 ക്രിക്കറ്റ് ടൂർണമെന്റിൽ ട്രിവാൻഡ്രം ലിറ്റിൽ മാസ്റ്റേഴ്സ് ക്രിക്കറ്റ് ക്ലബ്ബ് ചാമ്പ്യന്മാരായി.
ആവേശകരമായ ഫൈനലിൽ തൃശൂർ ട്രൈഡന്റ് ക്രിക്കറ്റ് അക്കാദമിയെ 87 റൺസിന് പരാജയപ്പെടുത്തിയാണ് അവർ കിരീടം നേടിയത്. ആദ്യം ബാറ്റ് ചെയ്ത ലിറ്റിൽ മാസ്റ്റേഴ്സ് 272 റൺസ് നേടി. 44.3 ഓവറിൽ പുറത്തായ അവർക്ക് മറുപടി ബാറ്റിങ്ങിൽ 185 റൺസ് മാത്രമേ നേടാനായുള്ളു.
ലിറ്റിൽ മാസ്റ്റേഴ്സിന്റെ ബി. ദേവർഷും ആരോൺ അലക്സും ചേർന്ന് 168 റൺസ് കൂട്ടുകെട്ടിലൂടെ മികച്ച തുടക്കം നൽകി. ദേവർഷ് 121 റൺസും ആരോൺ 67 റൺസും നേടി. ട്രൈഡന്റിന്റെ വിഘ്നജ് പ്രജിത്ത് 5 വിക്കറ്റെടുത്ത് ബൗളിംഗിൽ തിളങ്ങി. ട്രൈഡന്റിന്റെ മിഷാൽ ഷമീമും വിശാൽ ജോർജും ബാറ്റിങ്ങിൽ ശ്രദ്ധേയരായി. ദേവർഷ് സെഞ്ച്വറി നേടിയതോടെ പ്ലെയർ ഓഫ് ദി മാച്ച് ആയി. ആരോൺ അലക്സ് പരമ്പരയുടെ താരം കൂടിയായി തിരഞ്ഞെടുക്കപ്പെട്ടു.
ടൂർണമെന്റിൽ സംസ്ഥാനത്തെ 16 ക്രിക്കറ്റ് ക്ലബ്ബുകൾ പങ്കെടുത്തു. ആകെ 27 മത്സരങ്ങൾ നടന്നു.
Photo and News Source: Kairali News
