ന്യൂഡൽഹിയിൽ വെച്ച് രാജ്യസഭാ അദ്ധ്യക്ഷൻ ആംആദ്മി പാർട്ടി (എഎപി) എംപിമാരെ ബിജെപിയിലേക്ക് ലയിപ്പിക്കുന്നതിനുള്ള അനുമതി നൽകി. ഇതോടെ 10 എഎപി രാജ്യസഭാ എംപിമാരിൽ ഏഴുപേർ ബിജെപിയിൽ ചേർന്നു. ഭരണഘടനയിലെ കൂറുമാറ്റ നിരോധന നിയമപ്രകാരം മൂന്നിൽ രണ്ടിലധികം അംഗങ്ങളുടെ പിന്തുണയോടെ നടപടി പൂർത്തിയായതാണ്. ഇതോടെ രാജ്യസഭയിൽ ബിജെപിയുടെ എംപിമാരുടെ എണ്ണം 113 ആയി ഉയർന്നു.
ലയനത്തിന് രാജ്യസഭാ സെക്രട്ടേറിയറ്റ് ഔദ്യോഗിക നോട്ടീസ് പുറപ്പെടുവിച്ചിരിക്കുന്നു. ഇതോടെ എഎപി എംപിമാരായ രാഘവ് ഛദ്ദ, അശോക് കുമാർ മിത്തൽ, ഹർഭജൻ സിംഗ്, സന്ദീപ് കുമാർ പഥക്, വിക്രംജിത് സിംഗ് സാഹ്നി, സ്വാതി മാലിവാൾ, രജീന്ദർ ഗുപ്ത എന്നിവർ ബിജെപിയുടെ ഭാഗമായി. ബിജെപി അധ്യക്ഷൻ നിതിൻ ഗഡ്കരി, നേതാവ് തരുൺ ചുഗ് എന്നിവരുടെ സാന്നിധ്യത്തിൽ നടന്ന ചടങ്ങിലായിരുന്നു ലയനം പൂർത്തിയായത്. എഎപിയുടെ മൂന്നിൽ രണ്ട് രാജ്യസഭാ എംപിമാരും പാർട്ടിയിൽ നിന്ന് വിട്ട് ബിജെപിയിൽ ചേരുമെന്ന രാഘവ് ഛദ്ദയുടെ പ്രസ്താവനയോടെയാണ് യോഗം ആരംഭിച്ചത്.
Photo and News Source: Janam TV
